Tura, Oct 03: Dingtang dingtang porikkarangko segnio chatro-chatrirangko tarisamsona aro an·tangtangna kragipa kamrangko am·e ka·na aro janggi tangani cholrangko dake–ka·e cha·anio chu·sokgiparang ong·china gita chatrorangna agan-ku·pattie dakchakaniko on·na miksonge, North Eastern Career Academy (NEC), anti-dokni Integrated Training Course-ko ICFAI University baksa nangrime Tura-o ong·atenga aro ia programko Mongolbar salo a·bachengate on·anganio ICFAI campus-o Orientation programme-koba ong·atangaha.
NEC Academy, ian Chief Minister-ni Career Guidance aro Career Counselling Scheme-ni ning·ogipa scheme ong·skaa aro iano Meghalaya Sorkarini Directorate of Sports and Youth Affairs bakrimaniko on·enga.
Salni programona mongsonggipa ong·e sokgipa aro ICFAI University-ni Advisor, Dr. Viola Sonatchi B. Sangma, jinmana aganprakanganio, session-o bak ra·enggipa chatro-chatrirangna namgipa didiani kattarangko aganangaha.
Ia programme-chi, chatrorangni changa-sapanirangko namdapatanio, gisikni u·ianirango, general awareness aro uamangni skie ra·anirangko baridapatanio dakchakanirangko on·gen.
Session-ni ja·man mock test-ko ong·atgen aro unbaksana, ia program matchotani ja·mano bak ra·enggipa chatro-chatrirangna lekka aro certificate-rangkoba indin suale on·angjolgen.
Ia programme-ni organising committee member-ranga, Placement aro Career counselling-ni Coordinator-rang ba Asst. professor-rang, Ellerie N. Arengh, Abhijit Sarkar, aro Arkanza A. Sangma baksana, NEC-ni Career Guidance Instructor, GM Bruce, skie on·gipa ba trainer, Biplob Nath, trainer Anusangika Hajong-maang onga.
Iakoba poraie nina man·gen: Megha Start-up Expo-ko NEHU Tura Campus-o a·bachengata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
