41.3 C
Tura
spot_img

Shillong-ni mitam biaprango ringna jakkalenggipa chiara namja ine FSSAI-ni report-o paraka

Must read

Shillong, Oct 3: Shillong songjinmani dam 44 gittimrango ringna jakkalenggipa chiko Federation of Khasi Jaintia & Garo People (FKJGP) dolni porikka ra•e niatanio, ia chirangara ringna namja ine Food Safety & Standards Authority of India (FSSAI)-ni report-o parakaha.

Re•anggipa jaosan, FKJGP-ni dilgiparang, Shillong songjinmani ning•o donggipa dam 46 gittimrango ringna jakkalenggipa chini sample-rangko ra•chimongenba, porikka ra•e nina gita Commissionerate of Food Safety-ni State Food Testing Laboratory-ona watatahachim.

Ia laboratory-ni test report-ko man•soani ja•man, FKJGP-ni president Dundee Khongsit, jinmana parakatengon, dam 46 gittimrango ringna jakkalgipa chirangko porikka ra•e nianio dam 44 gittimrango ringna jakkalenggipa chiode ‘Coliform aro E. coli organism-rang donge ringna namgipa ong•ja ine ma•sina man•aha aro ian mandeni be•en aro an•china namgijaniko ra•bana man•a ine parakataha.

Iani bidingo FKJGP-ni dilgiparang, Meghalaya a•dokni Chief Minister Conrad K Sangma-koba gronge, Shillong songjinmani dingtang dingtang gittimrangna PHE department-ni on•enggipa chirangko nambate nirokatchina gitaba mol•molangaha.

Iakoba poraie nina man·gen: Assam-o bi·sarangko bia ka·atanina sak 800-na baten rim·ako man·a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

spot_img

More articles

spot_img
-->

Latest article