Shillong, Oct 31: Budbar salo, NEHUTA, NEHUSU aro NEHUNSA-ni nangrime ong•atgipa Joint Action Committee (JAC), NEHU-ni Vice Chancellor, Prabha Shankar Shukla-ni kosako raken jegalaniko dakangaha. Uamangni namnikgijaniko mesokna gita chang 111-gipa Academic Council Meeting-o uamang bakko ra•pajaha.
A•bachengode, JAC-ni membor-rang, Academic Council tom•na sienggipa convocation hall-o tom•chimongahachim indiba Vice Chancellor ia tom•e chanchirimaniko uni office-ni conference kutturi-ona jitatahani gimin uamangni namnikgijaniko mesokna inenba convocation hall-oni VC-ni office-ona jegale re•jomangskaaha.
Ia jingjengaataniko dakani miksonganiara, batanggimin October 26 tarik waljatchini gisepon, niamni kosako kamo rakkiako man•gipa Technical Officer ba Senior Consultant Rohit Prasad-ko ra•galpilchina dabianiko NEHU-ni VC knachakjahani gimin jingjengatanian ong•ahachim.
JAC-ni gita Prasad-ko ra•galchina dabianiko tik somoio ra•chakchina ine JAC-ni Chairman, Prof. Lakhon Kma raken aganatahachim. Unbaksana, niam gita kraa bewalo kraa Officer-ko kamo rakkiskana nanga ineba uamang dabiangaha.
Indake u•iataniko man•genchimoba NEHU-ni VC, uamangna mamung aganchakaniko on•jahani gimin JAC dol, NEHU-o niamni kosako kamo rakkia man•gipa Technical Officer ba Senior Consultant, Rohit Prasad-ni office-ko dala teke donaha.
Iakoba poraie nina man·gen: IMFL-ni brand-rangko bak bonga dake suala
Watch
