Gujarat, Oct 31: Mongolbar salo, a•songni skanggipa Home Minister ong•chenggipa Sardar Vallabhbhai Patel-ni atchiani salko maniani gita, a•songni Prime Minister Narendra Modi, Gujarat-ni Kevadia-o donggipa Statue of Unity-ona re•ange mande ra•aniko dakangaha.
PM Modi, Rashtriya Ekta Diwas ba National Unity Day-ko manianio, Sardar Vallabhbhai Patel-ni bimangko tarie donenggipa statue-o jalabhishek-ko dakangaha aro pulrangko donenba mande ra•aniko mesokangaha. Ia manianiko matchotmanani jamano, Ekta Nagar-o National Unity Day-ni ku•mikchetaniko, Prime Minister Narendra Modi an•tangni manderang baksa ku•mikchetaniko dakangaha.
Sardar Patel-ni atchiani salo, uni gisiko kakket ong•e a•songtangni silroro namroroaniko niksamsoe on•kange dangdike on•aniko chinga gisik ra•a. Sardar Vallabhbhai Patel, 1875 bilsio Gujarat-o atchiaha. Ua saksa ukil ong•achim aro Congress-ni dilgipa ong•e kamko ka•aha. Unbaksana ua, a•songni jakgitelaniko man•a jotton ka•engengmiting somoio Mahatma Gandhi-ni meligipa ripengba ong•achim.
Jakgitelgipa India a•songni skanggipa Home Minister ong•e ua, an•tangni gisiko bebe ra•e aro kakket ong•e mangrake donganichi, melina man•gijagipa a•dokrangkoba nangrimatna gita man•aha.
Indake iani gisepon, Delhi-oba, a•songni President Draupadi Murmu, Vice President Jagdeep Dhankhar, Union Home Minister Amit Shah-mangba Sardar Vallabhbhai Patel-ni atchiani salo pulrangko donenba mande ra•aniko mesokangaha.
Iakoba poraie nina man·gen: MITTELPILANI | Lt. Santosh R. Marak
Watch
