Shillong, March 25: NEHU Campus ning•o holi Kalnaon•jani a•selo, Rashtriya Swayamsevak Sangh (RSS), Akhil Bharatiya Vidyarthi Parishad (ABVP) baksa North-Eastern Hill University Students Union (NEHUSU)-ni gisepgriko nangtinggrikani ong•anga.
Ia a•sel salni 12:30 bajirango ong•angaha, jeon NEHUSU-ni President Easterson Sohtun adita saknaarangko man•e hospital-ona rimangako man•aha.
Saknaako man•gipa Sohtun jean jamano FIR-ko segataha, uni aganani gitade sak 200 mangni gita holi kalna campus ning•ao napbaaha. Indake ong•engon, NEHUSU-oni University-ni niamrang pilak maniani aro political-ni bidingo champengani niamrangko aganenba uamangko champenganiko dakataha.
NEHUSU-ni Vice President-ni aganani gitade, Kamlesh Singh, Amit Tripathi aro Anubhav Pandey maang Sohtun-ko doka sataniko dakaha.
NEHUSU-ni manderangna uamangni holi kalaniko miknengenba kajiako a•bachengataha ine RSS aro ABVP-ni member-rang a•sel ong•ani adita konta jaman aganchakaniko dakangskaaha. Indake ABVP-ni state secretary Tengku M Marak, chingni kosako agangipa ia pilak kattarangan tol•gipa aro kragipa ong•ja ine jegale aganangaha.
Marak-ni aganani gitade, NEHU Campus ning•ao holi manianiko dondikatna re•bao Sohtun namgija miksongani gnangsa re•baaha aro ching doloni darangba biko ba sakgipinkoba saknaata dongja, bebe gita chinga darangkoba saknaata ong•ode sakki on•china ine Marak aganangaha
Na·simang iakoba poraina man·gen: BJP dolni dilgipa aro GHADC-ni gitcham CEM party-oni ong•kata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
