Shillong, April 11: North Eastern Hill University Teachers’ Association aro North Eastern Hill University Non-Teaching Staff Association dolrang, Prof. Sherwin Sungoh-ni Shillong NEHU Campus-ni Pro Vice-Chancellor-ni kamko watgalenba, NEHU-ni Acting Vice-Chancellor (VC)-ni kamko jako ra·na am·anina chu·gimik chakpaaniko on·angaha, maina uan Statue 2(A)(5)(i)-ni gitade a·gipibatgipa Professor saksa ong·enga.
Sukrobar salo jinma apsan tom·bimonganiko ong·ata jaman, NEHUTA-ni President Prof. Lakhon Kma, Ministry of Education-ni on·gimin niamrang gita dolgnian Prof. Sungoh-na uni kamrangko ka·anio chakpaaniko on·anggen ine parakataha. Prof. Sungoh, Acting Vice-Chancellor-ni kamko jako ra·engon Executive Council, Academic Council aro Finance Committee-ni meetingrangko ong·atan baksana dikdiksana kamna rakkianirangko dakana agre permanent kamna rakkianirang ba university-ni niamrangko dingtangatna gita man·jawa ine ua talate on·angaha.
Iani gisepon, Dr. Fameline K Marak-koba NEHU Tura Campus-ni Pro Vice-Chancellor-ni kamko watchina gita NEHUTA dabiangkuenga.
Na·simang ia video-koba nina man·gen:
Na·simang iakoba poraina man·gen: Hungarian tourist-ni sianio maming ong•gija dakani dongja: Police
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
