Tura, Mar 29: National Science Day-ko maniani bak gita Tura-ni NEHU Campus-o Digital Planetarium-na gital rikgipa nokko, Speaker Thomas A. Sangma aro gipinrangni dongpaanio, Skotong Minister Conrad K Sangma nokdonggae on·angaha.
Ia manianio jinmana aganprakengon, Science and Technology-ko jakkale pilak neng·nikanirangko altuae namdapatna man·a gita, chadamberangna rakgipa kamrangko chagrongna on·a nanga jedakode, uamang songsalna namgniko dake on·giparang ong·na aro jakkaltogiparang ong·na man·gen ine aganaha.
Ge·a gamaniko dakgipa biaprangona chi watanio mandikanirangni gimin janapengon, iandakgipa neng·nikanirangko sandie ma·sie ra·na aro game ge·e cha·giparangba namgniko on·a gita solar power-ko jakkale namdapatani cholrangko am·na chol on·a nanga aro uamangni idea-rango ka·donggiparang ong·na nanga ineba Sangma aganaha.
Indake, dingtang dingtang gadangni chatro chatrirangna uamangni gadangni kri neng·nikgipa kamrangko on·a nanga aro man·a dipet chadamberangko didina gita dam dal·kalani boksis baksa Science and Mathematics competition-rangkoba ong·atrongna nanga ine aganan baksa, chadamberangko tang·doatna gita sorkari bang·a tangka paisarangko koros ka·anggen ineba ua janapataha.
Kal·susaani aro doka dam·a git ring·ani a·bani bidingo janapengon, doka dam·a aro git ring·ani a·bao aro kal·susaani a·bao chadamberangko tang·doatna gita niksamsoe sorkari kamko ka·enga ine aganan baksa, ia chasongni chadamberang doka dam·anina gisik nanggiparang ong·ani gimin Meghalaya Grassroot Music Project (MGMP)-ni gita uamangna janggi tangani cholko on·enga aro batanggimin bilsi 3 mangni gisepo ia project-ni gita sak 3000 artist-rangna sorkari dakchakaniko on·aha ine Sangma aganaha.
Iana agreba, NEP-ni gita on·gimin niamo pangchake a·dokni pilak sorkari College aro Higher Secondary School-rango Science Stream-ko multi-disciplinary course-rang baksa kulina nangchongmota ineba ua jinmana parakataha.
Iarangna agreba, gari gora re·ruraanio apchangketaniko namdapatna, chi ban re·aniko mikrakataniko on·gipa solar power signal, apchangketgipa ramarangko Ambulance gari maikai re·na man·gen, apchangketgipa rama gonggerangko u·iatani signal-rangni bidingo namdapatna miksonganio tarigipa model-rangko mesokanggipa manderang baksaba Skotong Minister agan golpogrikaniko dakangaha.
Na·simang ia video-koba nina man·gen:
Na·simang iakoba poraina man·gen: Salgro Salaram jolo game ge·e cha·giparangko gipin a·songrangchina watna mia misirangko ge·anio gisiko on·china didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
