Shillong, Sept 5: North Eastern Hill University (NEHU)-o research ka•ani kamrangko mangrakbatatna gita Sombar salo, NEHU-ni official-rang, dingtang dingtang university aro institute-rangko man•chape gimik dol 9 organisation-rang baksa Memorandum of Understanding (MoU)-o soi ka•grikangaha aro ia soi ka•grikani somoio Meghalaya a•dokni Governor aro NEHU-ni Chief Rector Satya Pal Malik, mongsonggipa sokgipa ong•e bakko ra•angaha.

Ia MoU-o soi ka•grikna gita tom•aniko ong•atanio dingtangmancha skigiparangni salkoba maniangjolaha aro ia tom•anio a•dokni Governor, tom•anio bak ra•giparangna aganprakangengon, batanggimin bilsisani gisepo NEHU-ni mikkim rasongko chubatatna kamko ka•ahani gimin NEHU-ni Vice Chancellor Prof Shukla-ko mittelpilangaha.
University-rango research ka•ani namgnirangko talate on•angengon, ua dingtangmancha skigiparangna an•tangni namgipa skanikoba parakangjolaha.