Shillong, Nov 26: North Eastern Hill University (NEHU)-o so•so jengjeng ong•engani a•sel ja 2 gapna am•pile class ra•anirangko dakna man•jahani gimin, mongolbar salo Cabinet Minister, Ampareen Lyngdoh, gisiko suk onggijaniko parakataha. Kobor ra•timgiparang baksa agangrikengon, mikkangchi iandakgipa so•so jengjeng ong•anirangko champengsona gita a•dok aro ma•mong sorkariko mongsongbate university-o Vice Chancellor (VCs)-rangko songe on•anio, apsan bakrime kam ka•na nangchongmota inenba u•iatangaha.
Ia da•o ong•enga obostara namen rasong gribeani ong•a ine aganengon, gisepo neng•nikanirang donggenchimoba, NEHU-ko namen chalaina gita man•engkuachim ine aganenba, Lyngdoh, ia ong•enga obostarangko ma•mong sorakariko nirokatchina didiatan baksana iani bidingo nirok sandianiko dakna gita enquiry committee-koba songe on•manaha ine janapataha. Ia songgimin committee, ong•enga obostarangko namatna aro ru•uta sal somoirangna chatro chatrirangni dabibaenggipako chu•sokatna gita maiba rakgipa ja•ku de•anirang baksa re•bagen ine ka•donganikoba ua parakataha.
NEHU-o kamna rakkiani bidingo sing•aniko dakon, Lyngdoh, chanchichipgipa kattani bidingo aganchakaniko dakgija, kamna ra•anio gualanirang donganiko nikna gita man•a ine aganan baksana kamna ra•anio niamrangko jarikna nanga aro kragipa a•doktangni manderangko ra•na nanga ineba ua aganangaha, maina ia university-ko jolo donggipa manderangna namgniko on•a gitasa ra•baaha ineba janapataha.
Ma•mong sorkarini gita ia matnanganiko nirokatenba, dakgualanirangko tik ong•atpilna nanga ineba Lyngdoh aganangaha. Iani bidingo, ua che•em che•em ma•sijagenchim ong•oba, a•dok sorkari iani bidingo name nirok sandianiko dakenga ine ua ka•donganiko on•angaha.
Na·simang ia video-koba nina man·gen:
Na·simang iakoba poraina man·gen: Meghalaya-o ong•atna sienggipa Bloomverse Festival 2025-o Mr. Big-ko rimbaenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
