Williamnagar, Aug 23: Ia 2023 bilsini NEHU porikkani result-rangko parakatanio, Williamnagar-ni Loyola College-o degree-ko poraienggipa chatro chatrirang, dingtang dingtang honours-o ge 16 rank-rangko man·e chu·sokgipa ong·na man·aha.
Ia bilsini NEHU porikkao, Loyola College-ni chatro chatrirang, Education aro Garo honours-o skanggipa biapko, Garo-o gnigipa biapko, English aro Garo-o gittamgipa biapko, Education aro Garo-o brigipa biapko, Garo-o bongagipa biapko, Economics aro Garo-o snigipa biapko, English aro Garo-o chetgipa biapko, Garo-o skugipa biapko aro Garo honours-o chikkinggipa biapko man·e chu·sokna man·aha.
Commerce stream-ko segipa sak 43 chatro chatrirangoni sak 30 chatro chatrirang skanggipa division-o aro bangki sak 13 chatro chatrirangba gnigipa division-o chu·sokgipa ong·skaaha.
NEHU-o semester system-ko 2015 bilsio a·bachengataonin Loyola College-ni chatro chatrirang, rank list-o biming nakatrongenga ine nikna man·a. Skanggipa batch-o rank ge·gittamko man·ani ja·man 2022 bilsio rank 12-ona tang·doangaha aro uandaken ia 2023 bilsiode gimik ge 16 rank-rangko man·skaaha.
Ia Loyola College-ko Garo Hills-ni chadamberangna chubata gadango nambatgipa lekka porako on·na miksonge kuliahachim aro uandaken da·o ia college-ko porikkarango teng·sugipa ong·e East Garo Hills a·jaoba niksengatna a·bachengengaha.
Porikkao iandake chu·sokaniko man·e East Garo Hills a·janasan ong·aigija Garo Hills gimiknan mikkim rasongko ra·bana man·ahani gimin ia college, dingtangmancha Meghalaya a·dokni Education Minister Rakkam A Sangma, joltangni MLA aro PHE Minister Marcuise N Marak, Education-ni Director aro gitcham Deputy Commissioner Swapnil Tembe, da·o ong·enggipa DC Vibhor Aggarwal aro dingtang dingtang manderangkoba mittelpilataha.
Iakoba poraie nina man·gen: Reservation policy-ko nipiltaina Expert committee-ni membor-rangko tik ka•manaha
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
