Tura, Sep 5: North-Eastern Hill University (NEHU), Tura Campus-o Rashtriya Karmayogi – Large Scale Jan Seva Programme-ni (RK-LSSJP) ning·o adita Cascading Training workshop-rangko campus-ni Teaching aro Non-Teaching staff-rangna a·bachengataha.
Ia programme-ko ong·atanichi government official-rangko uamangni kamrangko dangdike on·anio (seva bhaav) nambate dakna man·a dakchakaniko on·a baksana songdonggipa manderangni nanggipa kamrangna nambata cholrangko on·na, dingtang dingtang department-rango kam ka·anirang aro bakrimanirangko namdapatna, aro official-rangni kam ka·aniko an·tangtangna chu·ongnikatna aro namdapatna ine ong·a. Ia program-o officer-rangni salanti kam ka·anio Seva Bhaav-ko jakkale kam ka·e, uamangni dakna nanggnirangko a·songo dakna nangenggipa kamrang baksa nangdimatgen aro namgipa sorkariko rikna niksamsogen. Damsan skie ra·na aro bakrimna inenba training module-rangko bak ra·ate, nipilate aro dol dake skina man·na gita tariaha.
Ia programme-ko NEHU, Tura Campus-ni Pro-Vice Chancellor (In-Charge) Prof. Sujata Gurudev Conference Room, Department of Management, NEHU, Tura Campus-o September 4 tarik, 2025-o oprake on·angaha. Teaching aro non-teaching staff-rang an·tangtangni dakna nanggni kamrangko nambate ka·na man·gen aro a·songko rikanina on·gilna man·na gita uamangko namdapatna iandakgipa workshoprangko nanga ine ua jinmana aganaha. Iandakgipa workshop-rang kam ka·giparangni gisepo a·songtangna ka·saaniko aro dangdikna skani gisikko on·gen aro iarangko uamangni kamtangtangko ka·anirango nikna man·gen ineba ua aganangaha.
September 4 tarik 2025-oni September 12 tarik 2025-ona kingking NEHU Tura Campus-o pilak teaching aro non-teaching staff-rangna adita workshop-rangko ong·atgen. Ia workshop-rango mongsonggipa skigiparangara Dr. Sunildro L. S. Akoijam, Associate Professor, Department of Management aro Laishram Shyam Kumar, Joint Registrar, NEHU, Tura Campus, ong·gen.
Ia training workshop-ko University Grant Commission (UGC), Minister of Education, India Sorkari-ni pilak Central University-ni kam ka·giparangna ge·etaniko man·e ong·atenga aro iako Capacity Building Commission (CBC), India sorkari, nirokatenga. September 4 tarik, 2025-o skanggipa batch-ko ong·atanio NEHU Tura Campus-ni chu·gimik sak 20 teaching aro non-teaching staff-rang bak ra·angaha. Department of Personnel and Training (DoPT), India sorkari ia course-ko matchotna nangchongmotgipa ine ra·gataha aro iGOT Karmayogi portal-o Annual Performance Appraisal Report-ko (APAR) 2025-26 reporting cycle-oni a·bachenge pilak skie ra·giminrangko mesokgen. Ia workshop-rangko ong·atanichi NEHU Tura Campus-ni ning·o kam ka·giparangna ia pilak janapgimin nanganirangko chu·sokatna dakchakgen.
Na·simang iakoba nina man·gen:
Na·simang iakoba poraina man·gen: EKH-ni sak 100 chadamberangna Nature Guide-ni kamko ka·na training-ko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
