Shillong, April 9: North Eastern Hill University Students’ Union (NEHUSU) aro NEHU Unit-ni Khasi Students’ Union (KSU) dol, Prof. Sherwin May Sungoh-ko NEHU Shillong Campus-o Pro Vice-Chancellor-ni kamko watchina dabiataha. Pro Vice-Chancellor-na uko seokanio niamrangko name ja·rikja baksana 2024 bilsini November ja dipet chuttio dongenggipa Vice-Chancellor Prof. P. S. Shukla-sa uko seokaha inenba April jani 8 tariko seatgipa chittio uamang janapataha. Indake jamano, acting Vice-Chancellor ba dikdiksana VC-ni kamko nirokenggipa, VC appoint ka·ani ba seokaniko ra·galpilaha.
University-ni chu·onga gita member-rang dongjamiting somoio uko VC-na seokahani gimin ian ra·chakna amgijani ong·a ine chatro chatrirangni dol u·iatangaha. Uasan ong·aigija, Ministry of Education-ni am·sandiani ning·o ong·enggipa Prof. Shukla baksa Prof. Sungoh-ni namen meligipa ong·anina jajrenganikoba parakataha.
Ministry of Education-ni dongimin niam-ni gitade, ja 3-ni gisepon kamoni neng·takna am·enggipa mandena maming saloba nangchongmotgipa gadangrangko on·ja ine janapatenba, 2025 bilsini May 31 tarikon ua kamoni neng·takani ong·engahani gimin, uko VC-na seokaniara niamko pe·aniba ong·a ineba uamang janapataha. Chatro chatrirangni dolrang, University-ni namgipa bimungko rakkina gita VC-ni kamko watchina dabiatengon, bebe gita uamangni dabianiko knachakja ong·ode mikkangchi ja·ku de·anirangko dakangkugen ineba uamang u·iatangkuaha.
Na·simang ia video-koba nina man·gen:
Na·simang iakoba poraina man·gen: NCB, pekatgipa bosturang badingsrukaniko bon·atna dakchakaniko on·a Mizoram-o gital office kulianiko nangnika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
