Shillong, April 24: Khasi Hills Autonomous District Council (KHADC)-ni Chief Executive Member (CEM) Pyniaid Sing Syiem, Trading by Non-Tribal Regulation 1958 niamo pangchake, gipin jatrangna kam ka•ani licence-ko on•jachina gita North Eastern Indira Gandhi Regional Institute of Health and Medical Sciences (NEIGRIMS)-ni authority-rangna ta•raken chittirangko seatgen ine Khun Hynniewtrep National Awakening Movement (KHNAM)-na KHADC-o tom•aniko ong•atanio ka•dongataniko on•angaha.
Kobor ra•timgiparangna aganengon, KHNAM-ni working president Thomas Passah, ia dabianiko chinga Trading by Non-Tribal Regulation, 1954 3(A)-ni on•gimin niamo pangchake dakenga ine aganangaha, jeon “a•dokni niamo aro bebe ra•anio pangchake tarigimin niam ba sima arina badepilen gipin jat trader licence-ko man•tokaha,” ine najapani gnang.
Ia section-o seani gitade ia NEIGRIHMS-o da•o kam ka•na man•gipa man•ani ong•ja. “Chinga NEIGRIHMS-na KHADC-ni niamni gita gipin jatrangna trading licence-ko on•a man•ja ine tale u•iataniko on•a CEM-ko lekka sedochina didianiko dakangaha, maina a•doktangni banga manderangan ia apsan kamrangko ka•gipa donga. Aro a•doktangon contract-ni kamrangko on•a jechakode iara kragijaniba ong•a. Gipin biaprango Khasi manderang kamrangko man•ja uko an•ching gisik ra•na nangchongmota,” ineba ua agandapangkuaha.
“Chinga CEM-ko iani bidingo ta•raken ja•ku de•anirangko dakenba NEIGRIHMS-ni Deputy Director-na, ia kamko man•gipa Singhania, jean KHADC-ni trading licence-ko ra•na nangkuengachim una trading licence-ko on•jawa ine ka•donganiko on•anina kusi ong•a,” inenba ua janapataha.
“KHNAM dolrang NEIGRIHMS-ni Deputy Director-ko koborko man•a bikan re•anggipa antio grongeaha,” ine Passah u•iatan baksana ia contractor a•dokni kam ka•gipa manderangkoba ra•galna jotton ka•aha jean ra•chakna man•gijagipa ong•a ineba ua agandapangkuaha.
“Chinga iandakgipa namgija kamrangko ka•na miksonge a•dokona napbagiparangko nirok sandianirangko dakna tik ka•aha aro iandakgipa manderang ba indakgipa ong•enga obostarangko nikgenchim ong•ode taraken u•iataniko dakchina gitaba ua aganangaha, jedakode a•doko songdong achaenggipa manderangni namgnina kamrangko ka•e chelchakaniko on•a man•gen,” ineba ua janapangkuaha.
Na·simang ia video-koba nina man·gen:
Na·simang iakoba poraina man·gen: EKH-o mande so•otanina potchipe rim•gipa KSU membor-rangko police-rangni ning•o donkuchina rai on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
