Nongal, August 18: East Garo Hills-ni Chimagre Dachit songoni Suritha N Sangma, Nengbrek songo bol ge·na re·angengmitingo a·solsol dakkala biapo pringni 10 bajimango 11 KV donggipa bijoli a·aoni chu·ajaani a·sel jaksoke uko rim·dikman·on bijoli nange a·damon janggi galna nangaha ine kobor mansoaha. Sorkarini niam gita a·selo ga·ake sigipa mandeko post Mortem ba sigimin manggisiko porika ka·na nangani ong·engon, sianggipa me·chikni pagipa Albison Momin aro uni mamatang Mapon N Sangma mikrontangchin a·sel ong·mitingko nikani gimin, ian rasonggriesa indaka a·selo ga·akaha aro uno darangni denggu daksrukani jak dongja ine janape Post Mortem-ko dakgija manggisiko nokona ra·bae gopna on·china District Magistrate-na mol·mole sedoaha.