Shillong, Sept 12: Bristibar salo, North East Students’ Organisation (NESO) dolrang, Prime Minister Narendra Modi-ko Manipur a•dokona re•baenba ja 16-na so•so jengjeng ong•anirangko tom•tom ong•atpiltaichina gita mol•molaniko dakangaha.
NESO-ni Chairman Samuel B Jyrwa-ni, Prime Minister Narendra Modi aro Union Home Minister Amit Shah-na seatgipa chittio, Manipur a•doko tom•tomaniko ra•bapilna gita ta•raken chubatgipa gadangni peace committee-ko songe on•china dabianikoba dakan baksana, Manipur a•dokona re•baenba ong•enggipa obostarangko an•tang mikrontangchi niechina aro a•doko songdongenggipa dolgnini manderangna mongsongbate me•chikrang aro bi•sarangna chelchakaniko on•china gita didianikoba dakataha.
Manipur a•doko so•so jengjeng ong•chengaoni, Prime Minister Narendra Modi-ni re•bae niegija jrip dong•aniara iandakgipa somoirango ding•chaobatatani ong•a ine ua aganangaha. Somoi gita bil gnange dakdilgipa aro dakchakaniko on•pagipa dongjani a•sel ia so•so jengjeng ong•anirang namjabatroroaona sokenba bang•a manderang duko ga•akna gita nangaha.
Manipur a•doko ong•a obostarang namen namjabegipa ong•engani gimin iako tom•tom ong•atpilna gita sorkarini chubatgipa gadangoni nirokataniko nangchongmotani ong•enga aro ia obostako namatna gita man•jagenchim ong•ode ian Manipur a•doko so•so jengjeng ong•aniko namatna man•gijanisan ong•aijawa indiba ian Salgro Salaram jolo donggipa pilak a•dokrango tom•tom ong•anina kenchakna nanganiba ong•enga. Uni gimin, NESO, India sorkariko jadongga•atgija a•doko tom•tom ong•aniko ra•bapiltaichina gita okamaniko dakangaha, inenba Jyrwa parakataha.
Ia so•so jengjeng ong•anirang ru•utbea sal somoirangna ong•ahani a•sel, bang•a janggirang gimaatako man•a baksana bang•a gamjinrang nosto ong•atako man•aha inenba, NESO-ni padot u•iatangaha.
Na·simang ia video-koba nina man·gen:
Na·simang iakoba poraina man·gen: Boko-ni Gohalkona Sand Gravel Mining-oniko rong•srek bikotaniko dikdiksana champengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
