Tura, Jan 25: Garo Hills a•jaoni Pinggira Cultural Society dolni sak 30 member-rang, January 26 tariko New Delhi-o Republic Day-ko manianio A•chik jatni Wangala chrokaniko chroke mesokanggen.
Ia dolo sak 15 me•a aro sak 15 me•chikrang gnang aro uamang January 2 tarikon Delhi-ona re•chakatangaha aro 26 tariko wangalna gita pringni 9 bajioni attamni 5 bajiona tarisamsoaniko dakenga.
Indake, Tura-oni Ballian R Marak-ni dilanichi, uamang dolsa mangmang Meghalaya a•dokni palo chrokmesanasienga.
Ia Pinggira Cultural Society dolni member Chesa Dona M Sangma, Hub News baksa agangrikengon, A•chik jatni dakbewal rikbewal aro jatni chrokmesaaniko Republic Day-ko maniani salo mesokna man•enganina uni gisiko rasong chabeani aro katchaaniko parakangaha.
Unbaksana, a•doktang a•jatango donggipa manderangba uamangni wangalako Television (TV) aro social media-ni platform-rango live mesokaniko nisona man•gen ineba ua janapataha.
Pinggira Cultural Society-ko Wangalna okamatani ian gnigipa changna joljol okamatani ong•engaha. Indake, salgro salaram jolrangoni Meghalaya baksana gipin a•dokrang jekai, Nagaland, Mizoram, Sikkim, Arunachal Pradesh, Manipur aro Assam a•dokrangba dakmesokanggen aro ia dolrangna mija bilsina bate ia bilsio dingtangmancha nambata rel gariko jakkalaha.
Ia manianio bak ra•gipa artist-rangna, songreani gari bhara, cha•a ringani aro dongchak tuchakani biaprangkoba organizer-rang tarisamsoaha aro bak ra•gipa sakprakna gong 600 ka•e salo skimitingo aro chong•mot chrokmesaani salna gong 6,000 ka•e sakprako on•angna tik ka•aha.
Indake Wangalgipa dolrang, Republic Day-ko mania matchotman•e January 27 tariko a•jatangona re•bapilgen.
Na·simang ia video-koba nina man·gen:
Na·simang iakoba poraina man·gen: Chang 15-gipa National Voters’ Day-ko Tura-o manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
