Resubelpara, May 2: Ning·joljol koborrangko man·soe, North Garo Hills a·jani pulisrang, Chidaret jolni manderang baksa nangrime Chidaret bajar jolrango niam gri ong·gija chu palsrukgiparangko rim·aha ine koborna parakataha.

North Garo Hills, a·jani Superintendent of Police (SP), Pa AT Sangma-ni koborna u·iatani gitade, Chidaret bajar jolrango adita songtango tarigipa churang aro beer-rangko  ra·sekaha ine u·iataha.

Indake ong·engon, Chidaret bajaro niam gri chu palsrukanio jak donggipa manderangko rim·e aro uamangni jakkalenggipa adita bol motorcycle-rang, maruti garirangko Resubelpara Pulis Station-ona ra·baaha aro uamango sing·sandianiko dakenga ineba koborna u·iataha.