Tura, June 23: Tura Municipality Board-ni supervisor Pa Stemson Sangma-ni kamko jegalatenba, West Garo Hills a·jani dingtang dingtang organization-rang jekai FKJGP, FAF, AYWO aro ADE dolrang gimik nangrime, supervisor-ni kosako Municipality Board-ni Chief Executive Officer-na Sukrobar salo badi ka·doangaha.

Iani bidingo talatangengon, TMB-o supervisor-ni kamko ka·enggipa Pa Stemson Sangma, Tura bajaro dokan dake cha·enggipa mitam manderangniko niam gri skatang kajinarangko ra·enganiko nikna man·a ine NGO-ni dilgiparang parakataha.

Ia mamlani bidingo batanggimin adita salna skang, Tura super market-o gipin jat dokan dake cha·enggiparangoniko skatang tangka dabie ra·enga ine matnanganirangko video-rangoba niksona gita man·ahachim. Iano pangchake sandirokaniko dakatahaon ua tangkarangko gamjagenchimode uamangni dokan dake cha·ani license-rangko den·galpilna gita ka·mikkenataniko on·ani bidingoba NGO-rang ma·sina gita man·ahani gimin, Pa Stemson Sangma-ni kosako gong·raken sandirokataniko dakchina NGO-rang dabiangaha.

Iakoba poraie nina man·gen: PA Sangma Stadium-ni pakma be•wakani a•selko am•sandienga: DC

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub