Nongpoh, Sep 11: Batanggimin somoirango Ri Bhoi a•jani National Highway (NH-06) ramao, bostu salruraenggipa truck garirangko dakait dake ra•seke ra•anio jak donggipa dolni mande sakbriko Ri Bhoi a•jani police-rang rim•na man•aha.
Ia NH-06 rama gita bostu salruragipa truck garirangko walni somoirango dakait dakanina police-rang, batanggimin jarangonin rim•na sandiengachim aro bon•kame ia dakait dakgipa dolni mande sakbriko Ri Bhoi a•jani police-rang rim•na man•aha.
Koborko on•ani gitade, Budbar pringwalni 1:16 bajimango ma•sina man•gijagipa manderang, na•tok salangenggipa Mahindra pik-up gariko NH-06 ramao donggipa Shangbangla songo champengsoenba, ia garini tangka paisarang aro mobile phone-rangko ra•seke ra•aha. Iani bidingo koborko man•soa bakan police-rang, dos dakgipa manderangko sandina a•bachenge, mande saksako rim•na man•aha indiba saksade police-rangoni joke katna man•ahachim. Ia mandeko ja•mano police-rang rikeming rim•pilna man•aha aro ia mande sakgnio sing•sandion, uamang gipin sakgni manderangkoba police-rangna parake on•aha. Ia manderangni parake on•gipa gipin sakgni manderangkoba ja•mano police-rang rim•na man•aha.
Rim•a man•gipa mande sakbriara, Nongpoh jolo donggipa Sajer songoni bilsi 26 ong•gipa Ricky Tangsang, Umlyngkdait-oni bilsi 23 ong•gipa Mustafa Lyngdoh, Umsning Proper A-oni Shem Warjri aro Nongpoh jolo donggipa Mawroh-oni bilsi 22 ong•gipa Kyrshanbor Marwein ong•a.
Ia manderangni dakait dakanio jakkalgipa gari bolgni, chong•motan AS-01FN 4202 Maruti Alto aro registration nombor donggijagipa Maruti Suzuki Baleno-koba police-rang rim•aha.
Na·simang ia video-koba nina man·gen:
Na·simang iakoba poraina man·gen: IIT Guwahati-ni gital Director campus ning•o ong•a obostani gimin chatro chatrirang baksa agangrika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
