Shillong, July 4: Sutnga-Saipung-ni Legislator Santa Mary Shylla, Ministry of Road Transport and Highways (MoRTH)-ni NH-6 sorokrangko taripiltaina gong crore 290 tangkarang chamatahachim jekon, 2023 bilsini October 17 tariko ra•chake chamatgimin tangkarangni gimin Bristibar salo talate on•angaha.
Ia highway-ko taripiltaichina ru•uta somoirangoni janapanirangko chu•sokatkujaengachim, uko taridaptaipilchina dondikgija jotton ka•e chu•sokatahanina A•dok sorkari aro a•dokni Skotong Minister-ko, Shylla mitelpilskaangaha.
Indake, ia man•gimin fund-rangoniko, gong crore 103-ko saksa contractor-na aro gong crore 60-ko sakgipin contractor-na on•ataha ineba ua agandapataha.
Unbaksana gong crore 89.90 tangkarangko man•aha aro DPR-ko Ministry aro a•dok sorkarina watatmanaha ineba ua janapataha.
NH-6 sorokrangko March jani bon•achipakoni dipet a•bachengataha aro mikkang bilsini March jao matchotna ka•dongsoenga. Indake, gong crore 89 tangkarangko, olgrokgipa a•arango a•a ruaniko champengsona chamatgipa tangka ong•a ineba ua talate on•angaha.
Indake, gong crore 200 tangkarangko, Jowai-Ratacherra jolrango bilongbee nangchakea man•gipa rama sorokrangko taripiltaina aro gong crore 90 tangkarangkode Sonapur-o a•a ruanio nangchakegipa rama sorokrangko taripiltaina chamataha, ia Wachi somoi matchotman•ahaon, kamrangko a•bachengatgnok ineba ua janapdapataha.
Unbaksana gong crore 290 tangkarangko chamdapata donga ine Shillong-ni MP Ricky Synkhon-ni MoRTH-o sing•doatanina aganchakaniko dakengon, ia tangkarangko bebe gita MP on•dapatode, uamang namen mitelbegenchim, maina gong crore 281 tangkarangkosan man•sokuaienga ine Shylla aganangaha.
Na·simang ia video-koba nina man·gen:
Na·simang iakoba poraina man·gen: Jinmani mikkango doka man•gipa me•chikko CEW-ni chairperson gronga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
