Tura, Dec 21: West Garo Hills a•jani Asanango rock band-rangna susaaniko ong•atanggipa NH51 Garo Hills Fest 2024-o Karbi Anglong-ni ‘Armoured Band’ chegipa ong•aha.
Ia susaanio Garo Hills-oni dol 5 aro Karbi Anglong-ni dol 2, gimik gimang dol 7 rock band-rang bak ra•e susaangaha aro ga•subee an•tangni git ring•na aro dokna dam•na changa sapaniko ring•mesoke mesokangaha. Iano bak ra•anggipa band-rangara, Garo Hills a•jaoni Wrath Befall, Nyctophilia, Northrock, Kimindam, OLIMEA aro Karbi Anglong-oni Armoured aro The Redeemer band-rang ong•achim.
Indake, skanggipa biapo Karbi Anglong-ni Armoured Band chegipa ong•e gong 50,000 tangkarangko man•angaha, Tura-oni Wrath Befall gnigipa biapko man•e gong 30,000 tangkarangko man•angaha aro Tura-oni Nyctophilia gittamgipa biapko man•enba gong 20,000 tangkarangko man•angskaaha.
Armoured Band, skanggipa biapo chegipa ong•an baksana, gipin boksis-rangkoba man•angaha jekai, Best Vocalist, Best Lead Guitarist, Best Bassist aro Best Drummer-koba man•angaha.
Indake, chegipa dolrangna boksis-rangko, mongsonggipa sokgipa Meghalaya Legislative Assembly-ni Speaker, Thomas Sangma-ni jakchi on•angaha.
Na·simang ia video-koba nina man·gen:
Na·simang iakoba poraina man·gen: Shillong songjinmani manderang Christmas salna tarisamsoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
