Imphal, Mar 19: Manipur a·dokni Tribal manderangko chel·chakna gita NRC-ko ra·gatchina dingtang dingtang dolrang dabitokengani gimin niam gri re·napbae songdong a·chaenggipa manderangko sandienba, songtangtangona watatpilna gita Manipur a·dokni Chief Minister N Biren Singh, ku·rachakaniko on·angaha.
NRC-ko ra·gatchina dabitokengani gimin dingtang dingtang dolrangko aro Manipur a·doko songdongenggipa manderangko mittelpilangengon, Manipur a·doko songdongenggipa manderang da·o niam gri napsrukbaenggipa manderangna simsakna a·bachengtokengaha Singh parakataha.
Niam gri napsrukbaenggipa manderangko champengna gita Manipur a·doko Inner Line Permit (ILP)-ko ra·gatmanaha ine janapatengon, gipin a·songrang jekai Myanmar aro uandakgipa a·songrangoni niam gri re·napbaenggipa manderangko champengsona gita nambata niamrang dongna nangenga ine Manipur a·dokni Chief Minister parakataha.
Manipur a·doko NRC-ko ra·gatchina dabie adita salrangna skangsan, dingtang dingtang dolrang, Imphal songjinmao donggipa chief minister-ni bungalow-ona re·jomangahachim ine nikna man·a.
