Shillong, Feb 22: Meghalaya a•doko Lokayukta-ko namen kam ong•atna man•na gita 2021 bilsio Meghalaya Lokayukta Act-ko gital dake nipilaha ine skotong minister Conrad K Sangma aganaha.
Meghalaya Lokayukta Act, 2014-ko nipilkuja ba amend ka•kuja dipetde uan choligipa ong•kujachim, maina uano dongipa manderangoni saksa mangmangni biap bangbang ong•oba ua somoini Lokayukta mamingnan choligija ong•achim ine Conrad K Sangma aganaha.
Skotong Minister-ni talatani gitade, Meghalaya Lokayukta Act, 2014-ko amend ka•pilon uni 3-gipa section-o “and” inani pal “or” ine donskaaha. Una skangde Lokayukta chu•gimik kam ka•na gita chairman aro membor sak 4 dongna nanga ine mangmang 3-gipa Section-ni 2-gipa Sub-section-o janapachim.
“Meghalaya Lokayukta Act, 2014-ni Section 3-o seako ramram dake niatgenchimoba, kamoni neng•takgimin judge-ko Meghalaya Lokayukta-ni Chairperson dake rakkianimangmangde uko niam gita chu•sokgipa ong•atja” ine Meghalaya Hight Court-ni Division Bench 2021 bilsini February jao sing•doe a•dok sorkarini aganchakaniko am•aha.
Gipin dake aganode, Meghalaya Lokayukta Act, 2014-o seani gita, chairman baksana sak 4 membo-rrang gimik asongosa Lokayukta bil man•gipa ong•a, aro ua membor-rangoni bikbegrikde court-ni manderang ong•jana nanga.
Sikkim, Haryana, Jharkhand, Himachal Pradesh, Tripura aro gipin a•dokrango Lokayukta maikai kam ka•a ukoba nigrikaha ine Conrad talatangkuaha. Lokayukta saksasan donggipa ong•a ine gipinrangoniko nikaha. Uni giminsa 2021 bilsio “and” ingipani pal “or” ine on•skaaha, aro unon “chairman aro sak 4 memborrang” inani pal “chairman ba sak 4 membor-rang” ine ong•skaaha.
Gital dake tarigimin niamko Meghalaya High Courtni Division Bench-na on•aton uko ra•chakaha, aro Meghalaya Lokayukta niamni gita kam ka•na bil gnanggipa ong•aha.
Na·simang iakoba poraie nina man·gen: Ka·tongni sabisiko sanna Tura Civil Hospitalo lab gitalko kulia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
