Guwahati, July 20 : Channa Barca na•tok, jean nikronggija be•eno saltong•a gita dakani gimin niksenggipa aro rim•na man•ningjani a•sel niamgri matburingrangko badingsrukanio dam rakbee palna man•gipa ong•achim. Ia na•tokrang chijimgipa a•ningo bitde dong•ani a•sel nikna neng•an baksana rim•na neng•begipaba ong•achim. Wachi karini somoio ia na•tokrang cha•amna, bitchi chi•na gita ong•katronga aro ia indakmiting somoion badingsrukgipa dolrang ia na•tokrangko rim•na gita chol man•ronga.
Kaziranga National Park-ni Authority-rang, Channa Barca na•tokrangko badingsrukgipa dolni mande saksako rim•aha, ia na•tokara chipuni sko dakgipa aro chisam sambajolo chi skate donggipa ba chibolrango donggipa ong•a.
Koborrangko man•soani gitade, Haldhibari beat house-ni staff-rang aro Kaziranga Range HQ-ni staff-rang, July jani 19 tarik walni 10 bajimango, AS 02 J 4968 registration number donggipa Hyundai Eon car ge•sako dondikatenba am•sandie nianiko dakon, uamang tang•kuenggipa mang 4 Channa Barca na•tokrangko man•aha. Iani gisepon, Forester-1 Gunabhiram Das, rang•sanan mang 4 Channa Barca na•tokrang baksa ua garikoba rim•enba, Wildlife Protection Act 1972 aro 51 of Wildlife Protection (Assam Amendment) Act 2009-ni ning•o case-ko segataha.
“Ia case-o bak donggipa mongsonggipa, Assam Nagaon a•jani Taibur Rahman-ko rim•an baksana iano bak dongpagipa gipin manderangkoba rim•na gita am•sandianiko a•bachengataha,” inenba park-ni official saksa u•iataha.
Assamese ku•sikchi ia Channa Barca na•tokko “Barka cheng” ba “Cheng Garaka” ineba u•itokachim.
“Ia chipuni sko dakgipa na•tok nikronggijagipa ong•a, jekon India a•songni Salgro Salaram aro Bangladesh-ni Upper Brahmaputra joloni jokbagipa chibimani rikamrango nikrongbata. Ia chipuni sko dakgipa na•tokara nina namen nitobegipa ong•an baksana, a•songtangoba aro gipin a•songrangoba aquarium-ko rakkigipa manderangna namen gamchatbegipa ong•a. Ia na•tokko man•a neng•ani gimin aro Brahmaputra chibimani badiaba biaprangosan champenganiko man•ani a•sel, bilsi batrikrik damrang tang•dororoengan baksana matburingrangko sriksrik badinganio namen dam rake palnangbatgipaba ong•a, inenba park-ni official parakataha.
Na·simang ia video-koba nina man·gen:
Na·simang iakoba poraina man·gen: Meghalaya a•dok sorkari salgnini gisepo sak 400-na batpile chatro chatrirang baksana songregiparangko Dawki gita rimongkatbaa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
