Shillong, July 19 : Bangladesh a•songo so•so jengjeng ong•an baksana jegalaniko daka jaman, Meghalaya a•dok sorkari sak 405 chatro chatrirangko naljoke rimongkatbana gita man•aha.
Ia sak 405 chatro chatrirangoni, sak 80-de Meghalaya a•dokoni, sak 131-de India-ni gipin a•dokrangoni, sak 249-de Nepal-oni aro sak 8-de Bhutan-oni ong•achim. Iana agreba, sak 4 songregiparangkoba Meghalaya a•dok sorkari naljoke rimbapilna gita man•aha.
Sukrobar salo, Meghalaya sorkari press statement gita u•iatani gitade, ia rimongkataniko kamko July jani 18 aro 19 tariko dakangaha, ine parakataha.
Ia rimongkatanio dakchakaniko on•a man•a gita Bangladesh-ni High Commission baksa ku•mongenba, Dhaka aro Chittagong-ni Indian High Commission, Dawki-ni Landport Authority aro Exporters Association baksa apsan bakrime kamrangko ka•enga.
Uamangko rimchaksona gita facilitation centre-ko Dawki sima ari-o a•bachengataha, jeon nodal officer, a•gipibatgipa police officer-rang, Landport Authority of India-ni executive officer-rang aro doctor-rang baksa sanna bannaniko dakgipa dolrangba dongpagen. Ia centre-o chu•onga gita sanna bannani bosturang jekai ambulance, samrang aro rimongkataniko dakna gita garirangba iano gnang.
Nangchongmotani somoio agan-golpogrikaniko dakna gita helpline-rangkoba a•bachengataha jeon dakchakaniko nanggipa ma•a pa aro chatro chatrirang golpoatna gita man•gen. Bangladesh-o Indian Embassy-ni gita a•gipibatgipa IPS Officer Abhijit Saptarshi-ko rimongkatani kamrangko nirok simsakaniko dakatan baksana chatro chatrirangna naljokaniko on•a gita nodal officer-na seokaha. Kobor ra•grikaniko dakna man•a gita phone number-rangko ma•a pa aro chatro chatrirangna on•ataha.
Meghalaya-ni gisiko nanggipa Officer dolrang, a•gipibatgipa official-ni dilanio, dakchakaniko nanggiparangna sal wal dakchakaniko on•a man•a gita salgimik nirok sandianiko dakenga. Bangladesh-ni Indian High Commission-ba nanggitikan somoio kobor ra•grikna gita number-rangko on•ataha.
Chatro chatrirangna naljokaniko on•a gita man•a dipet chinga jotton ka•an baksana ong•a obostarangko name nianiko dakenga inenba ka•dongaataniko on•angaha. “Meghalaya a•dok sorkari pilak chatro chatrirang aro ma•a parangko on•gimin ge•etanirangko manienba naljoke dongna jotton ka•china gita didianiko dakangaha. Chinga na•simangni namgnina on•kange kamrangko ka•enga aro ia indakgipa neng•nikanirangko chagrongengon mikkangchiba chinga man•a dipet dakchakanirangko on•angkugen,” inenba sorkarini gita u•iataniko on•angaha.
Iani gisepon, India-ni chatro chatrirang donggipa Bangladesh-ni private institute-rangkode ia jegalanio bak ra•jani gimin uamangde naljoken dongenga ine chanchichipenga. Institute-rangni skotongrang pilak chatro chatrirangkon campus-tangtangon dongchina aro naljoke dongna man•a gita ong•kataniko dakjachinaba kupatianiko on•ataha.
Emergency Contact Information:
Helpline Number: 1800 345-3644
Additional Contact:
Hiwot Rymbai, Addl SP Jowai : +91 96157 16153
Dawki, Landport Authority-ni Executive Officer, Thomas : +91 84150 60802
Na·simang ia video-koba nina man·gen:
Na·simang iakoba poraina man·gen: Contractual basis-o kam rakkianiko Nurse-rang jegala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
