Jorhat, Feb 10: Matburingrangna ka•sagipa manderangna namgipa kobor, chong•motan, Assam-ni Kaziranga National Park-o nikronggijagipa gipok rongni matchokko uni ma•gipa baksa re•roroe roenganiko nikna man•aha.
Indake National Park-rango gipok rongni matchokko nikronggijagipa ong•a aro ia matchokko nikna man•anian matburingrangna ka•sagipa manderangna katchaaniko ra•baaha ine nikna man•a.
Tourist-rangko re•dilenggipa Srikaku Saikia, uni camera-o ia matchokko jachipchang ra•aha aro da•alo ua social media-o giproroengaha ine nika. Assam a•dokni Skotong Minister-ba, uni social media account-o ia ra•gimin jachipchangko mesokataha, jean niksengbatatanio dakchakani ong•skaaha.
Kaziranga National Park, grong ge•sa gnanggipa gondu bang•beanina mingsinggipa ong•a, iani gisepon ia nikronggijagipa gipok rongni matchokko nikna man•anian niksengbatengaha. Ia matchokni bimang gipok rongni ong•aniara, leucism ba albinism sabisi dongani a•selsa ong•akon ine u•i ma•sigipa aro gisik matsramgiparang chanchipenga. Indake ong•genchimoba, ia matchok bi•sa an•seng baljoken ma•gipa baksa buringo re•roroe roenga ine nikna man•skaaha.
Iani gisepon, Forest Department aro authority-rang, ia nikronggijagipa matburingni naljokanina simsaksoani ja•kuko de•enga. Ia matburingko nikna man•aniara a•doko katchaaniko ra•baasan ong•aijaha, indiba matburingrangko rakkina nangani bidingo mikrakataniko nakatataniba ong•enga.
Na·simang ia video-koba nina man·gen:
Na·simang iakoba poraina man·gen: 1st Kakripara Premier League-ko ong•atanio Thunderstrike Cricket Club chea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
