Guwahati, Feb 8: National Institute of Mountaineering and Adventure Sports (NIMAS)-ni dolsa, Brahmaputra chibimako ringo chobate songreaniko dakenga aro uamang Arunachal Pradesh-oni Brahmaputra chibimako chochakatange Guwahati-ona sokangaha. Ian Brahmaputra chibimani bakroako matchote ringo choe nichengani ong•enga, jean Bangladesh a•song sokna skang Arunachal Pradesh-oni 310 km aro Assam a•dokoni 640 km mang bakroani gnang.
Brahmaputra chibimako ringo chobatna gita ia dolna namen altubea ong•jachim, indake ong•genchimoba neng•nikanirangko mikkangchake uamang Guwahati-ona sokangaha.
Tibet a•songoni jokonbaenggipa Brahmaputra chibimara Arunachal Pradesh-ni Galing songo jokchakeachim jeonin uamang Colonel Ranveer Jamwal-ni dilanichi January 14 tarikoni chochakatchengaha. Indake Bangladesh a•songona Brahmaputra chibimani jokonchotgipa biap, Dhubri Hatshingimari-ona uamang bon•kame songrechotangna mangsongenga. Ia Brahmaputra chibimako ringo chobate nianio chu•sokanian a•songni itihaso dal•bea chu•sokani baksana gisik ra•beani ong•enga.
Na·simang ia video-koba nina man·gen:
Na·simang iakoba poraina man·gen: National Games-o medal chegipa M’laya dolna CM namgipa skaniko on•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
