Shillong, April 8. “Chu·sokgipa sakantian salsaode na·song gitan skulo poraie skie ra·giparang ong·achim. Da·alo na·a chena ba chejanaba gnang indiba jeoba tik ong·e aro gisik nange bak ra·e miksongatangona daarina nanga. Da·alo na·a an·tangna nambatakon dake a·bachengbo” ine Meghalaya State Olympic Association (MSOA) ni padot John F Kharshiing Loreto Convent Skulni Annual Sports Dayni salo chatro-chatrirangna aganaha. A·dokni chadamberangna kal·susaaniko gisik nangatna ine miksonge Meghalaya Sports Policy 2019 koba Loreto Convent Skulni principal Sister Mable P. Radiumni jako donbaaha. Ia Meghalaya Sports Policy 2019 ara a·dok sorkarini ia kal·susaani a·bao dakna nanggnirangni bidingo tarigimin ong·a. “Kal·susaaniara medalrangko man·namangmangsan ong·aija, ian diciplineko skiani, name janggi tangna didiani aro mikkangchi janggi tanganina mandeko tariani ong·a” ineba ua chatro-chatrirangko didiangaha.
Bilsi 16 ja·man Meghalaya a·dokni kal·susaanirangko a·dokni dingtang dingtang songjinmarango a·bachengattaiaha. Shillongo 2020 aro 2022, Turao 2024 aro Jowaio 2025, North East Olympics games ko Shillong songjinmaoba 2022 bilsio ong·atangaha. Kal·susagiparang jemangan chu·sokaniko man·a aro medalrangko man·a uamangna tangka rangko on·gen aro bilsisa a scholarshipkoba man·gen ine ua talatjolangaha.
Talent identification Drive (TID-3) ni gita sak 10000 bi·sarangko a·dokni dam 12 districtrango trainingrangko on·manaha. Olympianrangni dilanio sak 200 bi·sarangko da·oba tarie trainingrangko on·kuenga.
Kal·susaanio name dakengani gimin aganengon ua a·dokni skotong minister Conrad K Sangma aro Sports minister Shakliar Warjriko mittele aganangaha. Uamangni dilanio 39 gipa National games 2027 bilsio sokachaknasienga aro ian Salgro Salaram a·dokrango gittamgipa changna dal·begipa kal·susaaniko sokachakani ong·nasienga. Salgro-Salaram a·dokrango 1999 bilsio Manipuro aro 2007 bilsio Assamo sokachakaha.
Na·simang ia video-koba nina man·gen:
Na·simang iakoba poraina man·gen: BCCI na kal·anina Meghalaya Cricket Associationba mande ra·aniko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
