Tura, Jan 19: Garo Hills gimiko donggipa Nokmarangni chang 20-gipa tom·bimanganiko, January-ni 18 tariko East Garo Hills a•jani Mangsang songo ong•atangaha.
Ia tom·bimonganiona Rongjeng-ni MLA aro Forest Development Corporation-ni Chairman Pa Jim M. Sangma, mongsonggipa ong•e sokbaaha aro tom·anio gnigipa mongsonggipa ong•e sokbagipara Darugre constituency-ni MDC aro Tourism-ni Executive Membor Henen R. Sangma ong•skaaha.
Ia tom·anio Darugre MDC Henen R Sangma, jinmana aganprakengon, Nokmarangni tom·bimongani namen chu·sokgipa aro gamchatgipa ong·gen ine an·tangni ka·dongsoani kattarangko janapangenba, an•tangtangni man·gimin bilrangko name jakkalchina Garo Hills gimikni Nokmarangko didiangaha.
Tom·aniona mongsonggipa ong•e sokgipa Rongjeng-ni MLA Pa Jim M. Sangma, Mangsang-o Nokmarangni chang 20-gipa tom·bimonganiko ong•atanina Nokmarangni dilgiparangko mittelpilangenba, Mangsang songara mingsingbegipa biapba ong•a aro A·chikrangni mingsinggipa Serejing Waljan, Rongjeng aro Mangsang jolo namen mingsinga, unbaksana Waljan-ara Mangsang songonin ong•a ine parakataha.
Mangsang songona manderangni re·bana kennani giminba batanggimin salrangko gisik ra•e agananio, “Skango DK Soba dal•gipako ong•atani somoio manderang re·batokja aro maina re·baja ine sing·on sam man•ana kene re·baja aro je re·bagiparangba cha·na ringna kennenba noktangtango songe channe ra·esa re·batoka indiba da·alo ia cholko man•e anga manderangna u·iatna ska, chong·motan samrangko man•anina skatang samrangko on•jaha, uni gimin cha•na ringna kenna nangja,” ine Sangma aganaha.
Ia tom·anio Nokmarangni memorandum-koba Rongjeng-ni MLA aro Forest Development Corporation-ni Chairman Pa Jim M. Sangma on·angjolaha.
Da·o dipet Garo Hills gimiko sak 1500-mangni gita nokmarang donga aro ia Nokmarangni tom·bimonganio mongsonggipa chanchirimanirangara, bichal ka•chakna, Tura songjinmaona gipinoni nanga kamrangna sokbagiparangko sokachakna aro tom·e chanchirimna kacharirangko nangani bidingo uarangko rikna aro je donggipako namdapatna chanchian baksana dingtang dingtang biaprangoni re·bagipa nokmarang, bajar antirangko ra•ani bidingo tangka paisarangko gilanio neng·nikanirangkoba janapangenba, uarangko namdapatna aro a•ana lottery kal·atanirangko champengna aro skatang a•arangko NOC gri toe on·aniko champengna gitaba jinma chanchirimangaha.
Na·simang ia video-koba nina man·gen:
Na·simang iakoba poraina man·gen: Niamgri cho•enggipa dam 13 koila a•damko chipata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
