Shillong, Mar 10: Garo Hills-o so·sojengjeng ong·anirangko janape, Khasi Hills Autonomous District Council-ni election-rango non-tribalrangko susana aro bak ra·na on·jachina District Council-ni niamrangko taripiltaichina ine KHADC-na Khun Hynniewtrep National Awakening Movement (KHNAM) Mongolbar salo mol·molangaha.
1951 Assam and Meghalaya Autonomous District Rules-ni Rule 128 (1) aro 128 (3)-ko taridapna nangenga ine April 2025 aro January 2026-o KHNAM-ni manderang janapahachim indiba EC-rang mamung ja·ku de·ani dongjaha ine KHNAM-ni working president Thomas Passah, Chief Executive Member Winston Tony Lyngdoh CEM-na chitti see parakataha.
“2014 bilsionin chinga bang·a executive committee-rangko didiaha, indiba uamang ia pilakan obostako dal·e ra·gija jrip dongaiaha,” ine Passah seataha.
GHADC-ni nomination-rango Garo ong·gijagipa candidate-rang donga ine janape, ian MDC-rangni nangchongmotgipa niamrangko bilakatna man·gijani ong·a ine ua aganangaha.
Unbaksana Khasi ong·gijagipa manderangko KHADC-ni election-rango pu·onna ba susana on·jachina gita niamko taridapchina ineba uamang KHADC-na see on·ataha.
“…pu·onna man·giparangni bidingo, para 128 (1) sub para (d)-o a·bachenggipa sentence
“schedule tribe ong·gijagipa mande..jean janapgimin autonomous district-oni ong·a” iako chu·gimik ra·galenba “Khasi jat ong·gijagipa mande KHADC-ni election-o bak ra·na man·jawa” ine seskana nanga. Para 128 (3)-ko chu·gimik ra·gale galna nanga,” ine uamang janapaha.
“Garo Hills-o ong·gipa obostarang na·simangko mikkangchina chanchiaona sokatnaba gnang,” ine chittio sedapenba, EC-ko gong·rake ja·ku de·china aro governor-ni ra·chakaniko am·china mol·molangaha.
Na·simang iakoba nina man·gen:
Na·simang iakoba poraina man·gen: GHADC-ni bidingo so·sojengjeng ong·anina army flag march-ko dakchina WGH admin didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
