Shillong, August 11: Sukrobar salo, Nongpoh Bethany Hospital-ni bilsi 10 ong•aniko dal•bee maniangaha, jeon Health and Family Welfare-ni Minister Dr. M Ampereen Lyngdoh mongsonggipa sokgipa ong•e aro Nongpoh-ni MLA, Mayralborn Syiem dal•gipa sokgipa ong•e ia manianio bak ra•angaha.
Ia manianio, a•jani skanggipa dialysis unit-ko hospital-o oprake on•angan baksana, Dr. Sailo-ko gisik ra•na ba mande ra•ani gita uni janggi tangani gimin segimin lekkako oprake on•angan baksana (L) Dr. John L. Sailo Rynthathiang-ni mangkrongko oprake on•angaha.
Dr. Ampereen Lyngdoh, ia tom•anio aganengon, Nongpoh-ni manderangna aro ua jolni wilwilao donggipa manderangna namgipa sanna bannani aro nirok simsakaniko on•anina rasong on•e aganangaha. Ia Bethany Hospital-ko a•bachengatgipa, Dr. John L. Sailo Rynthathiang sagi-ni uni tangmiting somoio sagiparangna ka•sae, simsak niroke aro an•tangko on•kange dangdike on•angani a•selsa ong•na gita man•aha, inenba ua aganangaha.
Ia tom•anio dal•gipa sokgipa, Mayralborn Lyngdoh, Dr. Sailo sagini agangimin katta “anga jumangko nikna pa•soka” ingipa kattako gisik ra•atenba, ia hospital-ni gita a•jao songdonggipa manderangna nambegipa sanna bannanirangko on•an baksana janggi tangani cholrang aro sanna bannaniko ra•na re•bagiparangna ka•sae rimchaksoani aro ka•sae dangdike on•anirangni bidingoba ua aganangaha.
Hospital-ni Director, Achula D. Sailo, Nongpoh Hospital Outreach-ko maini a•sel a•bachengatahachim uni gimin u•iatangaha. Bilsi 10-na skang ia hospital-ni biapara mi apalsa ong•achim, jensalo uamangni chowkidar-ni jikgipa saenggipako Shillong-ona sanna bannaniko ra•na gita rimangmiting somoio saa amjaenba ramao janggi galani a•sel, Dr. John L Sailo Rynthathiang-ni gisikko namen nangdikataha. Indake, ia jiksesani sanna bannaniko ra•na mangmangba chelbea biaprangona re•na gita nange neng•nikani ba iandakgipa a•selrangko chagrongna nangani a•sel, Dr. Sailo-ni gisiko namgipa sanna bannaniko on•a gita gisiko sikatbeaha.
Uasan ong•aigija, bilsi 10-ni gisepo banga namdapanirang chong•motan sanna bannaniko Byrnihat aro Umsning-ona a•palbatatani bidingoba ua agane on•angkuaha.
Shillong Mawroh Presbyterian Church-ko nirokenggipa pamong Rev. Lyndan Syiem, ia tom•aniko matchotatna mitelpilani bi•anirangko dakdilangaha.
Na·simang ia video-koba nina man·gen:
Na·simang iakoba poraina man·gen: Molnoi songo gogrikanio sak 3 Kuki-Zo manderang sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
