Shillong, Sep 23: Nongpoh Civil Hospital-ni toilet-o me•chik saksani an•pakani ja•man uni atchidaldal bi•sani sianina doctor-rangko matnangani gimin Sombar salo, Meghalaya a•dokni Health Minister Ampareen Lyngdoh jegalatenba, iani bidingo talataniko on•angaha.
Lyngdoh-ni kobor ra•timgiparangna talatani gitade, sianggipa bi•sani ma•gipa, jean Umden-oni ong•achim, uko skanggipade Umden PHC-o sanahachim indiba uni an•o dongani jabongani ning•osan ong•e uni obosta namjabatahani gimin uko nambate sanne ra•na gita Nongpoh Civil Hospital-ona watatskaahachim.
“Ia me•chik, pringwalni 3:00 bajimango Nongpoh Civil Hospital-ona sokbaaha aro unomiting uko kam ka•soenggipa doctor aro gynaecologist niaha. Una doctor-rang pilak nanga sanna bananirangko on•aha aro ja•mano ua an•tangan toilet-ko jakkalna bi•e unbaksa uni segipaba re•angpaaha. Indake ong•genchimoba rasong gribee ua somoion uni bi•sa jasokgija an•pake sina nangaha,” ine Lyngdoh parakataha.
Ua somoio Umden PHC-o ambulance dongjachim ine matnanganirangkode uamang da•o dipet am•sandiengkua ineba Health Minister parakataha.
Bi•sani sianina an•tangni kalimpaaniko me•chikni nokdangna parakatengon, ian hospital-o kam ka•enggiparangni simsakgijani a•sel bi•sa siaha ong•ja indiba ia bi•sara jabongaan gapkujani a•selsa ong•na nangaha ine Lyngdoh talataniko on•angaha.
Ia a•selni bidingo tale ma•sichenggija koborrangko on•ahani giminba ua an•tangni suk ong•gijaniko parakataha.
Health Minister-ni aganani gitade, iandake matnanganirangna Nongpoh Civil Hospital-ni medical superintendent-ba adita salrangni gisepo talatanirangko on•anggen.
Koborko man•soani gitade, re•anggipa September 21 tariko, Monalisa Langi minggipa me•chik saksa, an•o donge saaniko man•engani gimin Umden PHC-ona re•angon uko Nongpoh Civil Hospital-ona watatskaahachim. Nongpoh Civil Hospital-ona sokangani ja•man ia me•chikko pringni 4:00 bajimango admit ka•e nanga gita sanna bananirangko on•ahachim. Sanna bananirangko man•ani ja•manoba ua bilongbate saanirangko man•na a•bachengaha aro ja•mano toilet-ona re•angon, ia me•chik toilet-on an•pake, uni bi•sa siangaiahachim.
Na·simang ia video-koba nina man·gen:
Na·simang iakoba poraina man·gen: W’nagar-o Art & Culture Workshop-ko a·bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
