Tura, March 31: Sonibar walo, North Garo Hills-ni denggu dakgiparangni jakchi rim•srukangako man•gipa salantina hajira ka•e cha•gipa mande saksako police dolrang Robibar salo jokatna man•aha.
Leeku G. Momin, jean bilsi 26-san ong•engkuachim, uko uni tuchakram nokpanteoniko tugekmiting waltongsa ong•mitting somoio, sak 7 ba sak 8 manderang re•baenba rim•draangaha.
Rimsrukangani koborko man•a bikan, North Garo Hills-ni police dolrang, 120 Bn ni CRPF dolni dakchakachi sepangjilni biaprangko che•eme sandirikitaniko a•bachengataha. Indake police dolrang, uko A•brong songni sambao donggipa buringo ine u•ina man•enba uko naljokate rimbapilna man•aha.
“Da•o chinga dos dakgiparangko rim•na sandirikkitaniko dakengkua, indake da•o dipet rim•srukanggipa aro rim•draangako man•gipani gisepgriko maiba ka•o nanggrikani ba bobil dinggrikani ba ning•in ning•in gisikko nang•grikanirang dongama dongja u•ina man•kuja,” ine North Garo Hills-ni Superintendent of Police Bruno A Sangma aganangaha.
Na·simang ia video-koba nina man·gen:
Na·simang iakoba poraina man·gen: Meghalaya-o mikka balwa ta•raka a•sel sak 200 manderangni nokjamrang nosto ong•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
