Resubelpara, Feb 8: 2025 bilsini gisepon India a•songo Tuberculosis saaniko bon•atna krengengani gimin India sorkarini ra•gatgipa 100 day Tuberculosis (TB) Free Campaign-ni bak gita Sukrobar salo, East Garo Hills a•jani District Tuberculosis Office, North Garo Hills a•jani District Medical & Health Office baksa nangrime, TB free Camp-ko North Garo Hills a•jani Mendipathar Multipurpose Cooperative Society Hall-o ong•atangaha.

Ia TB free Camp-ko ong•atanio, Mendipathar-ni MLA Marthon J Sangma, mongsonggipa sokgipa ong•e program-o bak ra•giparangna aganprakangengon, TB saaniko bon•atna krenge kamko ka•anio, TB sagiparangko chu•gimik an•sengatna man•na gita TB sagiparangko mitchijachina aro ka•sae mesokchina manderangko didiangaha.

Ia sal somoirango, dingtang dingtang technology ba gital kolrangchi kenbegnigipa sabisirangko sanna banna man•engaha ine janapatengon, TB sagiparangna chu•gimik dakchakanirangko on•anichi sorkari, TB saaniko bon•atsrangna rakbee kamrangko ka•enga ine Sangma aganaha.

TB saaniko bon•atna kam ka•anio pilakkon bakrimchina gitaba Sangma didiangaha.

Ia tom•anio, North Garo Hills a•jani Additional Deputy Commissioner Rezia Sangma-ba jinmana aganprakengon, ia campaign-o budepa butchuma ba TB man•gipa biaprangosan ong•aigija, TB saaniko man•na altugipa bi•sarangnaba simsak nirokanirangko on•china department official-rangko aro ia kamo bak ong•enggipa pilak manderangkon didiangaha.

Na·simang ia video-koba nina man·gen:

Na·simang iakoba poraina man·gen: Assam, Arunachal Pradesh-ni Namghar Project-na tangka gong kror 5-ko on•anggen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub