Shillong, Apr 10: East Khasi Hills a•jani Jaiaw-o National People’s Party (NPP)-ni election-na tom•aniko ong•atengmiting somoio golmal ka•na jotton ka•ahani gimin Voice of the People’s Party (VPP)-na Shillong Parliamentary Constituency-ni Returning Officer SC Sadhu, show cause notice ba talataniko on•china ge•etaniko on•ataha.
VPP-ni president Ardent Miller Basaiawmoit-na on•atgipa show cause notice-o Returning Officer-ni janapatani gitade, NPP-ni tom•aniko ong•atengmiting somoio VPP-ni manderang, chrik a•boke golmal ka•ahani a•sel tom•aniko dontongna nangaiahachim.
Iani bidingo April-ni 12 tarik ba una skangan talataniko on•china, show cause notice-o Returning Officer, VPP-ni dilgipana ge•etaniko on•ataha.
Returning Officer-ni parakatani gitade, political dolrang aro candidate-rang, gipin poltical dolrangni ba candidate-rangni tom•ani ba re•jomanirangko champengjachina ba golmal ka•jachina gita Model Code of Conduct (MCC)-ni niamrangon janapani gnangchim.
Sombar attamo, NPP-ni election-na tom•aniko Jaiaw Pdeng-o ong•atengmiting somoio VPP-ni manderang, golmal ka•ahachim ine nikna man•a. Ua somoio NPP-ni tom•aniko a•bachengata bakan VPP-na kam ka•enggipa manderang, ‘Ha u Prah’ ine chrik a•boke golmal ka•na a•bachengahachim.
VPP-ni iandake golmal ka•ani gimin NPP-ni manderangba uamangko champengna jotton ka•on, dolgnini gisepo adita nanggrikskaaha aro tom•aniko donsogimin somoina skangan dontongna nangaiahachim.
Uni ja•man Umsning-oba NPP-ni tom•aniko ong•atengmiting somoio apsan daken VPP-ni manderang, golmal ka•etaiahachim.
Na·simang ia video-koba nina man·gen:
Na·simang iakoba poraina man·gen: Tinsukia-o to chimongchakramoni to joksruanichi neng•nikanirangko man•toka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
