Shillong, Jan 30: Kitborlang Nongrem-ko Sonibar salo, National People’s Party (NPP)-ni chadambe dol, National People’s Youth Front (NPYF) Meghalaya unit-ni gital president-na seokaha.
An·tangko NPYF Meghalaya unit-ni gital president-na seokani ja·man kobor ra·timgipa manderang baksa agangrikengon, Meghalaya a·doko NPP dolko bilakbatatna aro pilak gadangrangon gital membor-rangko biming segatna gita rake kamko ka·anggen ine Nongrem parakataha.
Internet gita aro internet gita ong·gijaba gital membor-rangko biming segatna gita NPYF kamko ka·gen ineba ua aganaha.
A·dok sorkarini dingtang dingtang nangchongmotgipa kamrang, jekai ILP-na dabiani, Harijan Colony-o songdongenggipa manderangko apjitani aro uandakgipa kamrango NPYF, chakpaanirangko on·anggen ineba NPYF Meghalaya unit-ni gital president parakataha.
NPP-chi dilenggipa MDA sorkarimangmangsan ILP-ni bidingo gisiko nange kamko ka·enggipa sorkari ong·a ineba Nongrem mittelpile aganangaha.
