Dimapur, April 12: Bristibar salo, ma•mong sorkarini seokako man•gipa interlocutor ba ku•baltitimgipa AK Mishra, NSCN-IM dolni dilgiparangko Nagaland a•dokni Dimapur-o gronge agangrikangna sienga.

Kobor on•timgiparangni u•iatani gitade, ia tom•aniko Dimapur-o donggipa Chumoukedima police complex-o ong•atgen aro NSCN-IM-ni dilgiparangko Thuingaleng Muivah dilbagen.

Ru•uta bilsirangonin Naga bobil dol baksa tom•tomanina agangrikani chu•sokna gita man•chipkujaengani gimin ma•mong sorkari, ia agangrikaniko chu•sokgipa ong•atna jotton ka•enga aro Bristibar salo ong•atenggipa tom•aniara dolgninan namen mongsonggipa tom•ani ong•enga ine kobor on•timgiparang parakataha.