Shillong, May 8: Bristibar salo, Meghalaya a•dokni Chief Minister Conrad K Sangma, New Shillong Township-o ka•enggipa dingtang dingtang project-rangko re•ange niangaha.
Chief Minister baksana planning aro urban affairs department-ni official-rang, Umsawli-o rikenggipa gital Secretariat-koba niangaha.
Ia gital Secretariat-ko gong crore 1188 koros ong•e rikenga aro kamrangko 2027 bilsio matchotna nisan ka•enga.
Ia gital Secretariat-na pangchakaniko ia 2025 bilsini January 21 tariko songaha aro untalan kamrangko dontonggija ka•engaha.
Chief Minister-ni parakatani gitade, ia gital Secretariat-ko rikanian sorkarini kamrangko nambate ka•na pangchakaniko songani gita ong•gen aro ia building-na design-koba a•dokni daka rikani baksana gital chasongni bimang baksa meliate tariaha.
Ia building-ko matchotahaode ia biapara administrative city-san ong•aigija Shillong songjinmao apchangket ong•aniko komiatna dakchakgnok ineba ua aganaha.
New Shillong Township ning•o tarienggipa bang•bata ramarangkon matchotaha aro gipinrangkoba tariengkua ine janapatengon, ia biapo tarienggipa ramarangara ia jolrango mingsinggipa biaprangkoba nangategen aro ian Shillong songjinmao re•a doanikoba pilakni gitan nambatatgen ine Chief Minister aganaha.
New Shillong Township-ona re•anganio a•dokni Chief Minister, da•o rikenggipa Unity Mall aro Ummir-oni Mawkhanu-ona gital tarianggipa ramakoba niangjolaha.
Ia jolrangko nitobatatna gita Avenue Plantation ba ramarango riting dake bolrangko ge•ani giminba Chief Minister chanchirimangaha.
Iana skang ua, Smart City Project-ni ning•o gital rikgipa Polo Mall-koba niangaha. Ia Polo Mall-ko rikani kamrang da•o matchotahani gimin ia Mall-o donggipa dokkanrangko manderangna para on•na gita kamrangko ka•engaha.
Wahumkhrah Riverfront Development Project-ni kamrangko niangskaengon, ian Shillong songjinmako nitobatatengani gimin aro 2027 bilsio National Games-ko sokachakna siengani gimin namen mongsonggipa project ong•enga ine Chief Minister aganaha.
Wahumkhrah chiringko rongtal an•tale rakkianio sorkari baksa bakrimchina gitaba ua jolo songdongenggipa manderangko didiangaha.
Na·simang ia video-koba nina man·gen:
Na·simang iakoba poraina man·gen: Arunachal-ni mongsonggipa dolong dambriko Rajnath Singh kulie on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
