Shillong, Oct 06: Central Reserve Police Force (CRPF)-ara badiaba kajia-golmal ong·gipa aro obostarang namjabataona sokanggnigipa biaprangosan tom·tomgrikataniko on·na chelchak-nirokaniko on·aigipa sipai dolsa ong·a ine a·dokni Cabinet Minister Pa Paul Lyngdoh, Sukrobar salo u·iatangenba, da·odipet Assam aro Meghalaya-ni simao donggipa Langpih a·jao kajia-golmal ba so·so-jengjeng ong·gnigipa koborrang dongkujani gimin CRPF sipairangko chinga ua biapo donatjawa ine minister, kobor ra·timgiparangna parakangaha.
Adita salrang skang, a·dok damgnini sima-arigriko songdonggipa songni manderangni gisepo kajia-golmalrang ong·katani gimin mongsongbate, Khanduli-Psiar jolo CRPF sipairangko donatna gita Meghalaya aro Assam sorkari, mija September 30 tariko a·dok damgnini skotong minister-rangni gisepo tom·e chanchirimani somoio tik ka·angahachim ine nikatna gita man·gen.
Iandakgipa biaprango CRPF sipairangko donatataniko FKJGP dolni jegalsoengani gimin aganchakangengon, Pa Lyngdoh, chel·chakgipa doloni darangko watatjaoba jegalgipade dongaigen ine aganenba, Meghalaya a·dok, an·tangni police dolko watatgenchimoba Assam jegalsogen, aro Assam, uamangni police-ko watatoba Meghalaya jegalsoskagen aro paramilitary central force-rangko chinga watatode mitam NGO-rang jegaltaiskagen, indide chinga sako watatpilgen, maina chinga ua biaprangko maming nitimatani gride donchipna man·jawa ine minister sing·doangaha.
Indake ong·engon, a·dok damgni jensomoio MoU-o soi ka·grikahaon Assam aro Meghalaya-ni simarango kajia-golmal ong·anirang dongtaijawaha ineba minister an·tangni ka·dongsoenganiko parakataha.
Iakoba poraie nina man·gen: A•dokni Cricketer-ko doke saknaatanina saksako rim•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
