Shillong, Oct 15: Gitalgipa dol Laitkor SC aro Nongrim Hills SC, Polo-ni SSA Stadium-ni skanggipa gadango knal, chong•motan budbar salo, salni 11:50 bajioni ong•atna sienggipa OC Blue Shillong Premier League (SPL) 2024-ko a•bachengatanio robol kal•susaaniko dakanggen.
Shillong Sports Association (SSA)-ni gita ia dal•begipa OC Blue SPL-ko ong•atanio ia bilsi dol 10 club-rang, chong•motan 2023 bilsio chegipa Mawlai SC, 2023 bilsio 2-gipa ong•gipa Rangdajied United FC, 2023 bilsio semifinal-o sirikgipa Shillong Lajong FC baksana Langsning FC, Ryntih FC, Sawmee SC, Nongthymmai SC, Nangkiew Irat SC, Laitkor SC aro Nongrim Hills SC dolba bakko ra•anggen.
Ia dal•begipa robol kal•susaaniko ong•atani bak gita, SSA dolrang bang•bata salrangon kal•susaaniko changgni dake ong•atanggen, chong•motan knal salni bakoba pringo kal•susaani baksana attamni 2:45 bajioba Sawmer aro Nangkiew dolni gisepo robol kal•susaaniba donggen. Indake, uni jamano ong•atna sienggipa robol kal•susaanirangko floodlight-ni ning•o ong•atanggen jekon adita salrangna skang namdapataniko dakangaha.
Ia bilsio OC Blue SPL-ko ong•atenggipa aro SSA-ni President Banteidor Lyngdoh, ia bilsio kal•susaanio chegipa dolna tangka gong lakh 6-ko aro 2-gipa biapko man•gipana tangka gong lakh 3-ko on•gen ine antignina skangan parakataha.
Na·simang ia video-koba nina man·gen:
Na·simang iakoba poraina man·gen: Election-ko nama bewalo ong•atna tariaha ine M’laya CEO paraka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
