Aizawl, Oct 11: Re·baenggipa November 7 tariko Mizoram Assembly-na pu·onaniko ong·atna mikkang-mikkang, Mizoram Assembly-ni agan-chalaitimgipa Pa Lalrinliana Sailo, Butbar salo kamtangko wataha aro uni kam watanichi a·doko da·o bil-sasonko jakkepenggipa Mizo National Front (MNF) dolna su·pekeani gita chacha ong·skaaniko nikna gita man·enga.

Kamtangko aro assembly-ni membor ong·aonikoba watani somoio, Pa Sailo, Mizoram a·dokna namroro-silroroaniko ra·bana gita nangchongmotenga aro ma·mongo da·o BJP dolsa sorkariko rikengani gimin ma·mongni dakchakaniko aro tangka-paisa chamataniko Mizoram a·dokna nangenga, uni gimin ua re·baenggipa eleksino susana gita BJP dolo napangskagen ine parakataha.

Chalfilh assembly constituency-o chang-brina kingking manderangni seokako man·gipa MNF dolni a·gipi dilgipa Pa Sailo, kam watani chittiko Butbar salo, Deputy Speaker Pa H. Biakzaua-ni jako on·angaha.

Bil-sasono ong·enggipa MNF dol, re·baenggipa November jani eleksinna dam 40 assembly seat-rango susana gita re·anggipa jao candidate-rangko parakatahachim, indiba bilsi 64-ong·gipa Pa Sailo-na party tikitko tikatskajaha.

Iakoba poraie nina man·gen: Sogijagipa jabolrangko galani bidingo, KHADC-ni CEM baksana WB-ni delegate-rang, Hima Mylliem-ni Syiem baksa agan-golpogrikanga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub