Guwahati, Mar 3: Online gita gong crore 10-20 mang ong•gipa tangkarangko cha•boke cha•gipa sakgittam manderangko Assam Police rim•aha.
Iani bidingo kobor man•soa ja•man, March 1 tarik walni 10:40 bajimango, ASP Headquarters aro DySP (DSB), DySP (B), South Salmara-Mankachar-ni SP Office-ni SI (P) Ishan Jyoti Saikia-ni dilanichi Kharuabandha Outpost-ni sipairang am•sandianiko dakangaha aro Fakirganj Police Station joloniko Asadul Islam (25), Hashanur Zaman (28) aro Kobad Ali Mollah (28)-ko rim•aha. Indake, ia cha•boke cha•anio mongsong jak donggipa Hekmot Ali Sarkar, da•o dipet police-rangoni kate dongenga, indake ong•genchimoba ukoba police-rang rim•na gita am•sandianiko dakengaha.
Ia rim•a man•gipa manderangoniko laptop, mobile phone aro SIM card-rangko man•aha.
Ia manderang, RSN Crypto Currency Token ingipa dolo tangkarangko chipatgenchimode 2% mangni gita lap gnang man•pilgen ine cha•bokaha. Assam aro Meghalaya a•dokni manderang bang•an uamangni cha•bokako bebe ra•e an•tangtangna lap-ko man•a ka•donge komibeoba gong hajal 50,000 tangkarangko uamangna chipataha. Ia tangkarangko chiapatna gita uamang PhonePay, PayTM aro International Cryptocurrency Exchange jekai Binance ingipa apps-ko jakkalaha chong•motan Indiani tangkako USDT(U.S. Dollar Tokens) ba US Dollar-ona dakatskagipa ong•a.
Iana agreba uamang apsan dake Amazon Server-ko jakkale gipin tangka cha•boke cha•anio jak dongpaa ine uamangko sing•sandianio u•ina man•aha.
Indake, iani bidingo mokordomako segataha aro authority, Intelligence Coordination for Cybercrime (I4C) aro niam bidikni kamko ka•enggipa dolrang cybersecurity expert-rang baksa bakrime, online gita cha•boke cha•gipa dolrangko rim•na ja•kol sananiko dakenga.
Iani gisepon police dol, iandake tol•e ku•rachake online gita tangka paisarangko cha•boke cha•na jotton ka•giparangoni mikrake dongchina pilak songdongenggipa manderangko didiataha.
Na·simang ia video-koba nina man·gen:
Na·simang iakoba poraina man·gen: Scholarship-rangko on•na ma•mong sorkarini tangka watataniko sengkuenga: Rakkam
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
