Shillong, Feb 21: Meghalaya Legislative Assembly-ni da·o ong·atenggipa budget session-o mitam opposition MLA-rang, dingtang dingtang sing·anirangko sorkariona ra·baeba session-o bak ra·tokskajaenga.
Budget session-ni brigipa salo, a·dokni gitcham Chief Minister aro Songsak-ni MLA Dr Mukul Sangma-ba session-o dongpajahani gimin uni sing·aniko Assembly-ni Speaker Thomas A Sangma, donatchengna nangaiaha.
Dingtang dingtang dilgiparangko dingtang dingtang kamrango sorkarini rakkiengani gimin Mukul Sangma, a·dokni Chief Minister Conrad K Sangma-ko sing·ani ong·achim.
Budget session-ni gittamgipa saloba, North Shillong-ni Voice of the People’s Party (VPP) MLA Adelbert Nongrum, session-o dongjahani gimin Assembly-ni Speaker, uni sing·anikoba watchangna nangaiahachim. Ua salo, VPP-ni MLA Adelbert Nongrum, session gimikan dongpaahachim indiba uni sing·ani somoi sokna skangmangmang uaba Assembly-oni ong·katangahachim.
Meghalaya Lokayukta-ni official-rangko ra·galani bidingo VPP-ni jingjengatengmiting somoio Mawlai-ni VPP MLA Brightstarwell Marbaniang-ko police-rangni jak dangtapahani gimin Nongrum, Assembly-o sing·dona miksongachim.
Assembly session-ni somoirang bakkandika ine pangnan VPP MLA-rang matnangrongachim aro maiba kamni bidingo jegalanirangko dakon pangnan ramarangona re·angesa uamang jingjengatanirangko dakronga ineba nikna man·a.
Mongolbar salo, Meghalaya Lokayukta Act-ko taridapna gita Private Members Bill-ko VPP MLA Adelbert Nongrum-ni Assembly-ona ra·baani somoioba, VPP-ni president Ardent Miller Basaiawmoit aro Mawryngkneng-ni VPP MLA Heaving Stone Kharpran-ko man·chape Opposition membor-rangoni bang·batan session-o dongpajahachim.
Na·simang iakoba poraie nina man·gen: Capt Williamson Sangma State University-na nangdapenggipa ge 100 postrangko sorkari chamatgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
