Shillong, April 26: Meghalaya a·dokni skotong minister Pa Conrad K. Sangma, Sombar salo Ri-Bhoi district-ni Byrnihat-o donggipa oxygen bikotgipa ba chipchakgipa biapona re·ange nirokeaniko dakangaha.
“Ia biapona re·baani miksonganiara, oxygen bikotgipa karkanako chalaiatenganiko nirokna ong·a aro oxygen bon·changani somoirango chu·ongen man·na gita tarisamsoatani gimin ong·a,” ine Pa Sangma aganaha.
Ua biaponiko salprakon 2000 cubic meter-mang oxygen-ko ong·katatenga.
