Guwahati, Aug 09: Manipur a·doko so·so-jengjeng aro golmalrang ong·enganiko ra·e ma·mong aro a·doko bil-sasonko jako ra·enggipa BJP sorkarini kosako Congress dolni matnanganirangna, Assam a·dokni skotong minister Pa Himanta Biswa Sarma, Manipur-o kajia-golmalrang ong·anirang da·osanja, indiba Congress dolni sason ka·ani ning·on batanggimin bilsi 75-rangonin ramram manderangko, police-ko aro army sipairangko so·otanirang ong·angaha ine obostarangko cho·bile Congress dolni kosako jaksi ote aganangskaaha.
Pa Himanta Sarma, Guwahati songjinmao kobor ra·timgiparangna aganangengon, Congress dolni bil-sasonko jako ra·engmiting somoirango chong·motan, 1990, 1993, 1997, 2001, 2003, 2006, 2008, 2010 aro 2012 bilsirango inditan bang·a manderang jatsa-jatgipinni gisepo kajia-golmal ong·anichi aro dingtang dingtang golmalrang ong·anichi so·ota man·tokaha ine aganangenba, ia gimikan Congress sorkarini ong·gijagipa policy-rangni a·selsa ong·aha, aro ua bilsirango Manipur a·jao ong·anggipa bang·a kajia-golmalrangko Congress dolba namatna man·chipjaha ine matnange aganangaha.
Salgro-salaram a·jolrango ong·a obostarangko man·gope agangenchimode, salgro-salaramo mande so·otdamanio Congress dolba daito gnang ine aganangkuenba, batanggimin 2008 bilsio Kokrajhar-o golmal aro so·so-jengjeng ong·anio, sak 64 manderang siaha aro ua somoio a·songni Prime Minister Dr. Manmohan Singh, Assam a·dokona re·bae niea dongjaha ine janapatan baksa, Dr. Singh-ko ua somoio Assam a·dokona re·baa ine parliament-ni saksa MP a·kangaha, indiba ian kakket ong·ja, maina batanggimin 2012 bilsio Dr. Singh, Kokrajhar-ona kontasana mangmang mikkang mesoknasan wenbaaha ineba skotong minister agan-janapatjolaha.
Congress-ni somoiba, Assam aro Nagaland a·dok damgnini simarangko ra·e kajia-golmal ong·aha aro sima-arirangko bak ka·ani grisa a·dokrangko songe on·aha ineba Pa Himanta, Congress dolni kosako matnange aganangkuaha.
Iakoba poraie nina man·gen: Assam, Pub Haldibari-ni NH-37 ramako Royal Bengal matcha mangsani batsotako manderang niktoka
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
