Guwahati, Nov 11: PA Sangma International Medical College (PIMC)-o poraienggipa skanggipa batch-ni MBBS chatro chatrirangna, University of Science and Technology Meghalaya (USTM)-ni Central Auditorium-o Orientation Program-ko Sombar saloni a•bachengataha.
Ia program-ko sal 14-na ong•atanggen, jeon a•jao sanna bannani a•bani bidingo skie on•aniko dakanggen.
Ia tom•anio dingtang dingtang department-ni mongsonggipa manderang, faculty member-rang, gital segatgipa MBBS chatro chatrirang aro uamangni ma•a paarang dongpae bak ra•angaha.
Tom•anio Prof. Dr. Seyed Ehtesham Hasnian jinmana aganprakengon, nambata lekka porako on•a niksamsoe kam ka•ahanina Chancellor Mahbubul Hoque-ko mitelpilskaaniko dakangaha aro medical science-ni gita tang•doaniko, mongsonggipa katta bichongrang jekai, HIV aro Cancer sabisiko sanna bannani aro mandeni be•en bimangni gita an•seng baljokaniko on•a man•gipa jo•ongni giminba talate on•angaha. Unbaksana ua, chua gadangni sanna bannaniko on•a gita Artificial Intelligence (AI)-ko jakkalanio uni dakgni ba ka•gni kamrangni giminba aganangaha. Ua chatro chatrirangkoba, name aro krenge poraichina didiangaha.
Chancellor Mahbubul Hoque-ba, PIMC-ni niksamsoe ka•enggipa kamrangni gimin jinmana talate on•angaha.
Una agre gipin doctor-rangba, pilak neng•nikanirangko chagronggenchimoba, an•tangtangko sanna bannanio on•kange kam ka•angna aro gong•e poraichina ku•pattiangan baksa pilak chatro chatrirangko didiangaha.
Na·simang ia video-koba nina man·gen:
Na·simang iakoba poraina man·gen: Manipur-o Borobekra police station-ko Kuki bobil dolni manderang chadrapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
