Tura, Sep 1: Lok Sabha-ni gitcham Speaker Purno A Sangma-ni gunrangko ja•rike, uni mingnamaniko tange rakkiangkuchina gita Sukrobar salo, Meghalaya a•dokni Chief Minister Conrad K Sangma, manderangko didiangaha.
Sukrobar salo, PA Sangma-ni chang 76-gipa atchiani salko maniani bak gita NEHU Tura Campus aro PA Sangma Foundation, changsnigipa PA Sangma Memorial Lecture-ko Tura-ni District Auditorium-o ong•atangaha aro ia program-ko ong•atanio a•dokni Chief Minister Conrad K Sangma, jinmana aganprakangengon, uni pagipa PA Sangma sagini gunrangni gimin gisik ra•atpilaniko dakangaha.
Janggi tanganio kamrangko ka•engon, mongsongbate politics-ni kamrango, pangnan manderangkosa skang done kamko ka•china gita uni pagipa PA Sangma sagi, an•tangni dedrangko skirongachim ineba Chief Minister parakataha.
PA Sangma-ni skiani aro gunrangko skie ra•china aro ja•rikchina gita chadamberangko didiangengon, uni ja•kurangko ja•rikanian uko mande ra•na gita nambatsranggipa chol ong•a ineba Conrad aganaha.
Ia program-ko ong•atanio ‘The Print’ songbadni Editor-in-Chief Shekhar Gupta-ba dongpae jinmana aganprakangengon, PA Sangma-ni seng•gnang a•gilsakko watanganichi India a•songo songdongenggipa Tribal manderangna dakna nanggni bang•a kamrangkon donanga gita ong•aha ine parakataha.
India a•songo Tribal-rangni jelbra jelsuani 8 percent ong•genchimoba, PA Sangma sagini siangani ja•man da•o Tribal-rangoni saksaba ku•rang on•dile kamko ka•enggipa dilgiparang dongjaha ineba Gupta, suk ong•gijaniko parakataha.
Iakoba poraie nina man·gen: Niksamsoani gnang kam ka•gipa PA Sangma sagiko gisik ra•pilani
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
