Shillong, Apr 1: Gitcham Union Minister aro Lok Sabha-ni gitcham Speaker Purno A Sangma sagini kosako kragija dake social media-o matnangani kattarangko seahani gimin Manipur a•dokni gitcham Chief Minister N Biren Singh-ko kema bi•china Meghalaya a•dokni Cabinet Minister aro National People’s Party (NPP)-ni saksa dilgipa Marcuise N Marak dabiangaha.
“PA Sangma sagini kosako matnangahani gimin Garo Hills-o NPP-ni pal N Biren Singh-ko jegalenga aro kema bi•china dabienga,” ine Marak, kobor ra•timgiparangna aganaha.
Marak-ni parakatani gitade, Manipur a•dokni gitcham chief minister N Biren Singh, an•tangan Manipur a•doko so•sojengjeng ong•aniko ra•baaha aro da•o ua iana a•gilsakko watanggimin PA Sangma sagikosa matnangna jotton ka•skaenga.
PA Sangma sagi saksa mikkim dongbatsranggipa dilgiparangoni saksa ong•achim ine janapatengon, ua salgro salaram a•dokni manderangko bak dakna jotton ka•jaha indiba salgro salaram jol gimiknan an•tangko on•kange kamko ka•aha ine Marak aganaha.
Adita salrangna skangsan, Manipur a•dokni gitcham chief minister N Biren Singh, Manipur a•dokni kamrango jak on•pana jotton ka•enga Meghalaya a•dokni Chief Minister Conrad K Sangma-ko matnangenba, salgro salaram jolrangko chonchongipa a•dokrangona bak dakna jotton ka•aha ine PA Sangma sagikoba matnangatahachim.
Na·simang ia video-koba nina man·gen:
Na·simang iakoba poraina man·gen: Manipur-ni CM gitcham N B Singh Bangladesh sorkari aro Md Yunus-ni kosako matnangata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
