Gangtok, February 23: Padma Shri man•pilgipa, Pakyong a•jani Assam Lingzey songni samgri gama ge•aniko dakanina mingsingako man•gipa, bilsi 100 ong•gipa Tula Ram Upreti, sonibar salo a•gilsakko watangaha. Robibar salo, uko mande ra•ani bak gita uni manggisiko a•songni nisanchi wendapa baksana Gangtok a•jani Jalipool Ghat-o bol 21 slai-chi salam ka•aniko dakangaha, jeon a•dokni Skotong Minister Prem Singh Golay aro gipin minister-rangba dongpae bak ra•angpaaha.
Upreti-ara, Sikkim a•doko organic farming ba samgri ge•a gamaniko dakgiparangni dilgipa saksa ong•achim aro ia samgri ge•a gamaniko ua bilsi 80-na batpilen ka•baaha. Uko manderang “father of organic farming in Sikkim” ineba u•itokachim, maina bilsi 20-na skang samgri ge•aniko a•dok sorkarini a•bachengatna skangan iako ua a•bachengatmanaha. Ua bilsi 90 batomangba, uni ja•sku saani a•sel dontongna nangja dipet ua gama ge•aniko dakangkuaha.
Upreti, Sikkim a•dokni India baksa bakrimna skangde merong, mi ma•sa, aro me•rakkurangko Tibet baksa 1940 bilsirang aro 1950 bilsirango Silk Route gita ja•a tingtingchi re•e badinganirangko dakaha. Ua hectare 12 mangni gita a•arangko skang chasongni bewalo matchu aro mande dakchakgiparangko jakkale gama ge•anirangko dakangaha.
1996 bilsio jinmana dangdike on•ani kamrangko dondikna skang ua changgnina panchayat-ni president ong•ako man•chape, ua bilsi 25-na jolo panchayat-ni dilgipa ong•e kamrangkoba ka•angaaha.
Upreti, Tashi Namgyal Higher Secondary School-o klas 5-ona poraiangaha. Sak 8 depanterang aro sak 7 demechikrangko man•chape uni dal•begipa nokdango sak 100-na batpile manderang donga. Uni depanterangoni saksa KN Upreti-de 1979 bilsioni 1999 bilsiona minister aro MLA ong•e kamrangko ka•angaha.
Na·simang ia video-koba nina man·gen:
Na·simang iakoba poraina man·gen: Sarusajai Stadium-o sak 8,800 cha bagan dakgipa jatrang Jhumur chrokaniko mesokanggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
