Gangtok, Mar 4: Sikkim-ni Pakyong a•ja ning•o ga•akgipa Lingzey songoni gama ge•anio gisiko nanggipa mande, Padma Shri Tula Ram Upreti-ko, Robibar salo bon•kame mande ra•aniko dakenba Gangtok a•jani Jalipool Ghat-o gopaha aro uko gopani salo Skotong Minister Prem Singh Golay baksana gipin minister-rangba dongpae bak ra•angaha.
Upreti-ko mande ra•ani gita a•songni nisanko pindapatan baksana silaini rong 21 gulirangko goe salam ka•angaha.
Upreti, saksa ru•uta bilsirangna ge•e game cha•anio gisiko nanggipa aro ge•a gamanina mingsingako man•gipa mande ong•a aro uko Sikkim-o ge•a gamanio a•dokni pagipa ineba mingachim. Ua Tashi Namgyal Higher Secondary school, jekon da•alo TN Senior Secondary School ine mingskaahachim, ia school-o klas V-ona poraiaha aro uno depante sakchet mang gnangchim. Indake uni nokdango sak ritcha mang batpile member-rang ong•kataha aro uni depante-rangoni saksade Rhenock Assembly Constituency-ni MLA aro minister ong•e dangdike on•aha.
Batanggimin bilsi 20 mangna skang, ‘Organic Mission’ ingipa dolkoba ua Sikkim-o a•bachengataha. Ua a•palrangko dakan baksana a•salrangko jakkale me•su samjakrangkoba ge•aha jekon, 1940 aro 1950 bilsirangni gisepo Tibet-ni Yatung baksa bading chiwalaniko dakangaha. Skang chasongo rama jal•ang aro gari gorarang komibeani a•sel, mi, gom aro me•rakkurangko ua ja•achi Tibet-ona olrongna nangachim. Una agreba ua, Assam Lingzey Gram Panchayat Unit-ni Panchayat member ong•eba bilsi 25-na dangdike on•aha aro uasan ong•aigija changgnina kingking panchayat president ong•e dangdike on•e 1996 bilsio songsalna kam ka•e on•aoni ua dontongaha.
Indake, uni pagitcham ma•gitchamrangni dakbewal rikbewalrangko ripingbaengoba, ja•sku saanirangko man•ani a•sel an•tangni ge•a gamaniko dondikna nangao ga•akaha.
Indake bilsi ritcha batpile janggi tangani ja•man ua bon•kame March 1 tariko a•gilsako watangaha.
Na·simang ia video-koba nina man·gen:
Na·simang iakoba poraina man·gen: M’laya-Assam a•dokni simarango tom•tomaniko ra•bana CM ku•rachaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
